JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MTCI husu CAC servisu tuir étika instituisaun

MTCI husu CAC servisu tuir étika instituisaun

Ministério Turismo Comércio e Industria (MTCI) husu Comissão Anti Corrupção (CAC) halo servisu ho respeita no presiza la’o tuir étika instituisaun.

Ezijénsia ne’e MTCI hato’o relasiona ho antes ne’e CAC obrigatóriu bolu Diretora aprovizionamentu MTCI iha loron 10, fulan ne’e no iha loron 11, fulan ne’e, bolu tan Adjuntu Koordenadór Programa Sesta bázika presta deklarasaun kona-bá Díli Mart ne’ebé oferese sasán fuhuk no dodok ba benefisiáriu sira iha suku Comoro.

“Antes ne’e ami la hetan surat ida husi CAC atu mai husu ami-nia Diretora Nasionál ho ami-nia funsionáriu ida que responsavél ba inspesaun no monitorizasaun, maibé sira mai duni ami-nia ministériu, ha’u laiha fatin momentu ne’e, ha’u mai iha Atauro no funsionáriu sira mak informa mai ha’u ho ministru katak CAC ba ne’ebá duni lori ami nia Diretora Nasionál presta deklarasaun, CAC mós halo servisu ba Estadu, Governu liu-liu ezekutivu mós halo servisu ba Estadu, nune’e tenke respeita étika institusionál, ne’e importante koordena ba malu mai husu ami-nia funsionáriu ruma tuir dalan bai-bain presizamente hetan notifikasaun no informasaun ruma”, Vise MTCI, Domingos Lopes Antunes ba GMN iha Atauro, Domingo (13/12/2020).

Liga ho asuntu ne’e Governu liu husi, MTCI husu ba CAC atu halo servisu ho respeita no presiza halo koordenasaun ho instituisaun molok bolu funsionáriu sira ba presta deklarasaun.

Domingos rekoñese katak, iha duni koñesimentu ba asuntu ne’e, maibé laiha karta notifikasaun ruma ba ministériu, antes bolu obrigatóriu no lori ba presta deklarasaun.

Distribuisaun sasán sesta bázika iha kapitál Díli ne’e responsável husi MTCI no konsege lansa dahuluk ona iha postu administrativu Metinaro no iha Kuarta, loron 9, fulan ne’e, MTCI mós halo ona abertura iha suku Comoro no sei realiza ba suku hotu iha kapitál Díli.

Loja hirak ne’ebé hetan kontratu husi MTCI hodi distribui sasán bázika iha kapitál Díli hamutuk 10 resin mak hanesan, Díli Mart, Lita Store, W-Four, Leader, Loja Vida, Lisun no seluk tan. ina

Lee hotu :   Transporta material eleisaun ba Munisípiu, STAE preokupa ho estrada no eletrisidade

Add to Comments Here!!!!

error: Content is protected.
Secured By miniOrange
You might also like:
LuGu: Sosiedade tomak tenke hatúr fali K-RDTL tuir nia dalan

Diplomata senior, José Luís Guterres (LuGu),...

Adjuntu Kordenadór MTCI presta deklarasaun iha CAC

Adjuntu Koordenadór Programa Sesta Bázika (KPSB)...

Dom Virgílio: Sidadaun sira tenke kumpre nafatin regra prevensaun COVID-19

Arsebispu Metropolita Díli, Dom Virgílio do...

Close