JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2021 aprovadu iha PN, PM Taur lamenta CNRT la partisipa

OJE 2021 aprovadu iha PN, PM Taur lamenta CNRT la partisipa

Atu sustenta mákina Estadu funsiona ho di’ak, Parlamentu Nasionál (PN) aprova Orsamentu Jerál Estadu (OJE) tinan 2021 billiaun USD 1.895, ho votus a favor 44.

Ho nune’e bankada FRETILIN no KHUNTO louva bankada PD, PUDD, FM no UDT, tanba OJE mak ran ba Estadu, nune’e bele responde nesesidade povu no mákina Estadu.

“Liu tiha debate produtivu no kritiku durante loron nen (6) ita to’o nia rohan votasaun iha finál globál ba lei OJE 2021, tanba OJE prense rekezitu kontitusionál legais no rejimentais hanesan ran ba nasaun, hodi fó moris ba povu”, Xefe bankada FRETILIN, Francisco Miranda Branco liu husi deklarasaun votus iha PN, Sábadu (12-12-2020).

Xefe bankada FRETILIN ne’e realsa, FRETILIN nia postura polítika mak prova bei-beik ona nu’udár forsa polítika sempre firme atu defende interese povu tomak nian.

“Ho objetivu fundamentál atu hetan solusaun ba problema ne’ebé ita-nia povu no nasaun hasoru, tanba ne’e bankada FRETILIN louva no valoriza sentidu responsabilidade VIII Governu, bankada PLP, KHUNTO, PD, FM, PUDD no UDT, no ita hotu partisipa ativa iha momentu importante ba Estadu nia vida husi aprova OJE 2021 iha momentu ne’ebé krusiál liu tinan tolu (3) resin Estadu sobrevive ho de’it Dotasaun Orsamentu Temporáriu (DOT)”, tenik Francisco.

Nune’e mós Xefe bankada KHUNTO, Olinda Guterres, reforsa OJE 2021 mak ran ba povu no rai ida ne’e, hodi responde povu nia nesesidade.

“Ha’u agradese ba maluk sira husi bankada PUDD, UDT, FM no PD, mai hamutuk ho ita aprova OJE 2021, maske ko’alia kontra malu, maibé fó votu a favór ba OJE, OJE mak ran ba Estadu, ita hotu tur iha ne’e povu mak hili ita tur, ita tenke hadau povu nia moris”, hakotu Olinda.

PM lamenta bankada CNRT auzente

Durante Parlamentu Nasionál (PN) debate Orsamentu Jerál Estadu (OJE) tinan 2021, hahú iha loron 30, fulan Novembru, bankada opozisaun CNRT partisipa debate iha faze jeneralidade, maibé la fó votus no debate iha faze espesialidade bankada CNRT auzente.

Tanba ne’e, Primeiru Ministru (PM), Taur Matan Ruak, lamenta, tanba durante debate OJE iha faze espesialidade bankada CNRT auzente no la fó sira-nia kontribuisaun maske polítika iha diferénsia.

“Ha’u lamenta auzensia partidu CNRT durante ne’e, tanba iha polítika diferénsia, maibé diferénsia ida ne’e labele halo para que ita retira ita-nia apoiu dezenvolvimentu nasaun nian, maibé desizaun sira nian. Governu husu atu kontinua nafatin fó sira-nia kontribuisaun ba dezenvolvimentu nasaun nian, ho diferénsia saída de’it mak iha, importante ita hotu hamutuk reuni ita-nia forsa no ita nia kbi’it atu dezenvolve ita-nia rai liu-liu momentu hanesan ne’e ita tenke hamutuk”, realsa Xefe Governu ne’e hafoin aprova OJE 2021 iha PN, Sesta (12-12-2020).

Entretantu OJE tinan 2021 billiaun USD 1.895 aprovadu ho votus a favor 44, kontra 0 no abstensaun 0. Ety

Lee hotu :   Ladauk hetan ezonerasaun, Membru CNRT kontinua mantein iha Governu

Add to Comments Here!!!!

error: Content is protected.
Secured By miniOrange
You might also like:
PNTL rekolla motorizada sia husi grupu NAKROMA

Polísia Nasionál Timor-Leste (PNTL) rekolla ona...

Durante periódu COVID-19, CAC rejista kazu korupsaun 68

Komisáriu Comissão Anti Corrupção (CAC), Sergio...

Kombate COVID-19, SekJer ONU hato’o mensajen rua ba mundu

Sekretáriu Jerál (SekJer) Organizasaun Nasaun Unidas...

Close