Partidu foun tolu submete ona inskrisaun iha TR

Ministériu Justísa liu hosi Diresaun Jerál Servisu Rejistu Notariadu (DGSRN), submete ona dokumentu husi Partidu Timor Forte (PATIFOR), Partidu Os Verdes de Timor no Partidu FITUN ba Tribunál Rekursu (TR) hodi halo inskrisaun.

Diretúr Jerál Diresaun Servisu Rejistu Notariadu, Crisogno da Costa Neto hateten, dokumentu sira ne’e submete ba TR liuhosi seksaun Rejistu Sivil hodi verifika fali dokumentu legál no emblema partidu nian, remesa fali ba servisu notáriadu.

“Ohin ami husi Ministériu da Justisa lori partidu polítiku tolu nian dokumentu submete ba Tribunál Rekursu para atu halo inskrisaun iha seksaun de rejistu seksaun sivil sira halo komfirmasaun ba tékniku balun ne’ebé ke presiza kompleta, depois remesa fila fali mai. Iha tempu badak partidu sira kuandu lalais bele remesa fila-fali mai. Partidu Polítiku tenke iha programa, estatu, emblema, hino partidu nian, bandeira sira ne’e tenke iha no apoiantes vinte mil” DG DGSRN Crisogno da Costa Neto, ba GMN, hafoin entrega Dokumentu partidu foun tolu ne’e TR, iha Caicoli (21/12).

Crisogno akresenta, inskrisaun ne’e bazeia ba lei númeru 2/2016 alterasaun husi lei númeru 3/2004, kona-ba lei Partidu Polítku tuir artigu 13 husi númeru Ida to’o númeru Lima.

Tuir planu, DGSRN sei submete tan Partidu Dezemvolvimentu Sosiál (PDS), tanba dadaun ne’e dokumentu partidu nian balun seidauk priense rekizitu legal sira. San