GMN TV Politika PM husu Timor-oan hotu proteje ai-han lokál

PM husu Timor-oan hotu proteje ai-han lokál

Primeiru Ministru (PM), Taur Matan Ruak, husu ba sosiedade atu ho produtividade proteje produtu lokál iha rai-laran, nune’e labele dependénsia ba produtu importasaun sira.

Taur Matan Ruak hateten, maske mosu krítiku barak kona-bá programa Sesta Bázika, maibé ho krítiku sira sei la hamate vontade Governu nian atu hadi’ak liu-tán iha futuru, importante bele konkretiza objetivu atu proteje produtu rasik.

 “Ita iha 1.5 milhões de pessoas, ne’e ita labele hein katak hotu-hotu sente kontente, balun sei ko’alia duni, maibé saída mak atu halo mak, haree ida ne’ebé la di’ak buka atu hadi’ak, ao longo do tempo iha implementasaun, maibé na verdade ida ne’e projetu ida primeira-vez ita halo ba populasaun tomak, universál. Krítika sira ne’e ita labele halo ne’e imposivel, ezemplu ita halo transferénsia USD 200 ne’e ema barak ko’alia ne’ebé hateten polítika ida ne’e tenke la’o ba oin, na verdade ita aprende, mezmu la’ós primera-vez ita mak halo, mais nasaun barak halo ona, hanesan Brazíl, maibé espera katak prosesu ida ne’e ao longo do tempo sei hadi’a”, PM Taur iha Parlamentu Nasionál (PN) bainhira diskute proposta OJE 2021 iha espesialidade, Sábadu (05/12/2020).

Xefe Governu ne’e akresenta, maibé importante buat ne’ebé hotu-hotu nia hakarak mak ho objetivu aumenta redimentu família no valoriza produtu lokál rai-laran.

“Hanesan Japaun foin tinan hirak liu ba ne’e mak loke merkadu foos, tanba nia proteje ninian, maibé sé ita hanoin proteje ita-nia foos mak natar sira mamuk hela ne’e mós problema, ita tenke hanoin katak, ita-nia nasaun sei ba oin sei ita hotu kontribui, sé ita proteje ho produtividade, ita-nia nasaun sei ba oin, ne’e la’ós ba polítiku na’in sira de’it, maibé ba sosiedade tomak”, afirma Taur.

Antes ne’e, mosu akontesimentu sidadaun ida sunu ai-hán Sesta Bázika iha parte Viqueque, nu’udár espresaun krítiku no insatisafasaun, bainhira ministériu relevante ho ekipa tun atu fahe sasán.

Implementasaun programa Sesta Bázika ne’e, Oitavu Governu Konstitusionál aloka osan USD tokon 71, hodi atribui ai-han Sesta Bázika ba Timor-oan tomak ho montante kuaze USD tokon 1 resin. say


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker