JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu finaliza pagamentu subsídiu famíliar antes 2021

PN ezije Governu finaliza pagamentu subsídiu famíliar antes 2021

Deputada bankada opozisaun iha Parlamentu Nasionál (PN), Maria Fernanda Lay, ezije ba Governu atu finaliza prosesu pagamentu ba reklamante subsídiu uma-kain rihun 15, antes tama tinan foun 2021, tanba programa subsísiu familiar ne’e orsamentu tinan 2020 nian.

Antes ne’e Governu husu pedidu transferénsia estraórdinaria hosi Fundu Petrolíferu (FP), nune’e PN aprova ho urjénsia, maibé pagamentu subsídiu ba agregadu família to’o agora kuaze anu fiskál termina, maibé ladauk finaliza.

PN aprova tiha ona osan dezde Abril 2020 ho urjénsia, mais Governu dada to’o agora mós seidauk hotu, iha Díli de’it ita labele selu. Ha’u preokupa ho saldo transferénsia ne’ebé halo atravez Ministériu Solidariedade Sosiál no Inkluzaun (MSSI) hodi selu uma-kain ne’e. Vise Ministra Finansa (MF) mai ko’alia iha plenária ida ne’e hateten, osan saldo hirak kedas mak sei restu MF labele apura saldo ida ne’e, sé MSSI mai PN mós nonook de’it, agora sé loos mak tenke fó dadus ne’e mai PN, tanba tinan atu remata, tenke taka konta”, kestiona deputada bankada CNRT ne’e iha plenária, Tersa (15/12/2020).

Kona-bá implementasaun programa sesta bázika, deputada CNRT ne’e konsidera sei hasoru problema hanesan, tanba utiliza dadus husi subsídiu familiar refere.

“Dadus ne’e ha’u deskobre katak, dadus ne’e mai husi subsídiu uma-kain, tanba ne’e mak agora iha problema boot iha  baze ne’e, haree ba indívidu mak selu, maibé ita tenke haree mós ba nia fixa família, ida ne’e tenke verifika”, afirma Fernanda Lay.

Nia haktuir, relasiona ho dezintendimentu ba dadus, nune’e iha panorama orsamentu, Ministra no Vise Ministra MSSI iha plenária PN deklara dehan atu selu semana oin.

“Maibé iha loron hanesan, kalan iha TV Diretór Jerál MSSI hateten, seidauk bele tanba iha problema tékniku, ne’e hamosu pergunta, seráke membru Governu sira ne’e mai hato’o informasaun iha PN ne’e verifika ona ka seidauk, tanba Diretór Jerál ida labele inválida deklarasaun ministra iha plenária, PN mak aprova osan, seráke ita mai lohi malu de’it hanesan ne’e”, lamenta deputada opozisaun ne’e.

Tanba ne’e, Fernanda Lay husu ba membru Governu sira atu verifika di-di’ak dadus, antes ba ko’alia iha PN.

“Subsídiu ba idozu de’it mós to’o agora la selu, iha Díli de’it mós seidauk halo pagamentu”, relasa nia.

Iha Segunda semana ne’e, reklamante kuaze 100 husi suku Comoro, hato’o preokupasaun refere ba membru PN, atu bele transmite ba Governu, hodi aselera prosesu pagamentu antes tinan 2020 ne’e termina.

Tuir dadus ne’ebé MSSI fó sai, kuaze família uma-kain rihun 10 resin mak hato’o reklamasaun, maibé husi reklamante hirak ne’e balun finaliza ona iha faze verifikasaun no balun sei iha prosesu. say

Lee hotu :   Governu desvia programa ho OR, Opozisaun insiste la apoia

Add to Comments Here!!!!

error: Content is protected.
Secured By miniOrange
You might also like:
Benefisiáriu sesta bázika Comoro konsidera Governu bosok povu

Benefisiáriu sesta bázika suku Comoro, Francisco...

Falsifika dokumentu veteranu kontinua eziste, PJR konsidera CH inkapasidade

Prokuradór Jerál Repúblika (PJR), José da...

MTCI gasta tokon USD 10 distribui sesta bázika iha Metinaro-Atauro

Vise Ministru Turismo Comércio e Industria...

Close