JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN identifika artigu balun inkonstitusionál iha proposta OJE 2021

PN identifika artigu balun inkonstitusionál iha proposta OJE 2021

Deputadu opozisaun Partidu Demokrátiku (PD) iha Parlamentu Nasionál (PN),  Adriano do Nascimento, hateten, nia parte identifika iha artigu balun iha proposta lei Orsamentu Jerál Estadu (OJE) 2021 inkonstitusionál, tanba viola lei jestaun finanseira.

Ho nune’e, deputadu PD ne’e husu deputadu sira atu prepara proposta hodi bele elimina artigu ne’ebé inkonstitusionál, bainhira diskute iha faze espesialidade.

“Lei OJE 2021 artigu 14 númeru 1 ho 2 hatúr ilegalidade kualifikada ka inkonstitusionál indireita, basa artigu 14 númeru 1 fó biban ba órgaun Estadu no administrasaun sentrál tomak hodi prevé dotasaun orsamental rezerva kontijénsia eseptu órgaun rejionál no munisipál, nune’e artigu 14 númeru 1 halo ona violasaun ba artigu 37 lei jestaun finanseira ne’ebé haktuir katak, rezerva kontijénsia só bele finansia de’it programa hosi ministériu no sekretáriu estadu, lei OJE 2020 artigu 14 númeru 2 halo halo esesaun ka hasees-an husi aplikasaun delimitasaun ba utilizasuan rezerva kontijénsia ho total 20%, ne’ebé haktuir ona iha lei orsamentu no jestaun finanseira, aplikasaun esesaun 20% iha levantamentu kontijénsia ne’e viola ona lei orsamentu no jestaun finanseira artigu 38”.

“Lei OJE artigu 21 númeru 3 hatúr inkonstitusionalidade formal, tanba lei OJE la’ós dalan atu regularidade ba kargu polítiku ba efeitu kriminilizasaun titulár, nune’e aktu kriminalidade titulár de kargu polítiku bele regula ho lei propriu ho karater estruturante”, deklara deputadu bankada PD ne’e liu husi diskusaun OJE 2021, iha faze jeneralidade loron daruak, Tersa (01/12/2020).

Nia afirma, lei ne’ebé define titulár kargu polítiku, ezije aprovasaun ho maioria dois tersus, hanesan haktuir iha konstituisaun artigu 88 númeru 3, hodi ultrapassa veta PR ba lei estruturante sira,  maibé atu halo aprovasaun ba lei OJE só presiza de’it votus ho maioria kualifikada hanesan haktuir iha K-RDTL artigu 88 númeru 2.

Deputadu PD ne’e mós preokupa, menus koordernasaun entre ministériu sira no instituisaun estadu, ministériu finansa ho Unidade Planeamentu Monitorizasaun no Avaliasaun (UPMA), tanba kuaze instituisaun sira fó sala liu ba UPMA, bainhira audénsia públika deputadu sira kestiona.

“Atu solusiona kestaun ilegalidade no inkonstitusionalidade iha lei OJE 2020 mak ha’u rekomenda katak, Governu ho PN tenke halo konsertasaun polítika hodi halo eliminasaun ba artigu 14 númeru 1 no 2 no mós artigu 21 númeru 3 iha debate espesialidade, nune’e iha aprovasaun finál globál laiha tan kestaun legalidade no inkonstitusionalidade hodi haruka ba PR”, dehan Adriano.

Nia haktuir, deputadu sira bele halo proposta hodi halo alterasaun no eliminasaun ba artigu hirak ne’ebé mak mensiona iha leten, pontu de vista téknika hatudu katak, planu asaun anuál hatúr inkonsisténsia inkoerénsia no inkompletu hodi la tuir konseitu plataforma lójika ka lójikal frame work.

“Tanba iha razaun rua hodi justifika, planu asaun anuál husi ministériu lubun ida inklui PN seidauk hatúr loloos entre programa ho sub-programa, atividade no indikadór. Koordenasaun entre Ministériu Finansa, Gabinete PM, liu-liu UPMA ho ministériu no instituisuan estadu sira seidauk másimu, tanba liu husi audénsia públika, governante no dirijente lubun ida mak sei hasees-an husi sira-nia responsabilidade, hodi fó sala de’it ba UPMA, katak UPMA mak halo sala ba sira nia planu asaun anuál, hodi la define loloos programa, sub-programa, atividade no indikadór ho base line no seluk- seluk tan”, esklarese deputadu Adriano.

Iha proposta OJE tinan 2021 ne’e, Governu propoin montante USD billiaun 1.895 ne’ebé fahe ba kategória saláriu vensimentu, bens no servisu, transferénsia, kapital menór no kapital dezenvolvimentu. say

Lee hotu :   TL hahú jornada orsamental 2019, PM Taur lakohi haree korrupsaun

Add to Comments Here!!!!

error: Content is protected.
Secured By miniOrange
You might also like:
Deskonfia iha relasaun kazu internét ilegál, TDD aplika TIR ba prezidente ANC

Tribunál Distrtál Díli liu husi desizaun...

Evita inséndiu, SEA husu empreza sira halo jestaun ba armazén

Sekretáriu Estadu Ambiente (SEA), Demétrio Amaral...

Kazu omisídiu iha Taibessi, PNTL sei kaptura suspeitu LS

Polísia Nasionál Timor-Leste (PNTL) promete sei...

Close