PN kontinua ezije Governu kumpri promesa subsídiu uma-kain

Deputadu Fretilin, Dário Madeira, liu hosi plenária, Segunda (21/12/2020), ezije ba Governu atu servisu ho sériu hodi aselera pagamentu subsídiu uma-kain USD 200, hodi kumpri promesa ne’ebé iha, antes tama tinan foun.

Reprezentante povu ne’e transmite, povu iha baze barak sei kontiona kestiona kona- bá subsídiu dollar atus id aba uma kain sira ne’ebé, to’o agora seidauk halo pagamentu, tanba deputadu Fretilin husu Ministériu solidariedade atu aselera ho sériu.

“ Atu tama ona ba loron boot, natal no tinan foun nian, karik bele halo ezersísiu ida maka’as liutan,

Liu-liu fó orientasaun ba diresaun sira sira munisipal tenke halo verifikasaun ida ne’ebé mak loloos, para família sira ne’e tenke hetan duni sira nia direitu.”tenik deputadu bankada Fretilin ne’e.

Antes ne’e, komunidade suku Komoro kuaze atus ida hasoru deputadu sira komisaun F, hodi hato’o preokupasaun kona-bá subsídiu dollar atus ida ba uma kain ne’ebé governu promesa atu kompleta iha semana rua, maibé to’o agora seidauk kompleta.

Maske nune’e, tuir dadus ne’ebé ministériu social fó sai, kuaze família uma kain rihun sanulu resin mak hato’o reklamasaun.Say