JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN preokupa membru PNTL hurlele komunidade sunu sesta bázika

PN preokupa membru PNTL hurlele komunidade sunu sesta bázika

Uma fukun Parlamentu Nasionál preokupa ho aktu membru Polísia Nasionál Timor-Leste (PNTL) halo agresaun fízika hasoru pesoál sunu sasán sesta bázika, iha munisípiu Viqueque, postu administrativu Lacluta.

Deputadu FRETILIN, Dário Madeira, klarifika, presiza halo investigasaun, tanba tuir informasaun ne’ebé deputada ne’e simu, antes ne’e autoridade iha fatin refere halo kobransa osan ba komunidade katak, Governu sei fahe osan ba sira, maibé realidade la fahe osan fahe de’it sasán sesta bázika. Ho nune’e komunidade sira la satisfaz hodi sunu Sesta Bázika ne’e.

“Aktu ne’ebé nia halo prosesu ketak ida aktu polísia baku prosesu ketak ida, maibé aktu ne’ebé nia sunu sasán ne’e krime ha’u hakarak ko’alia de’it investigasaun tenke la’o no tenke bolu Xefe suku Ahik“, Deputadu bankada FRETILIN ne’e liu husi nia intervensaun iha Parlamentu Nasionál (PN), Kuarta (02-12-2020).

Tuir Dário, razaun komunidade sunu sasán sesta bázika, tanba Xefe suku Ahik halo kobransa ikus mai buat ne’ebé nia promete ba komunidade la konsege realiza la’ós ho osan, maibé sasan, ho nune’e halo komunidade satiadu hodi sunu.

Maibé, Xefe bankada KHUNTO, Olinda Guterres, apoiu membru PNTL sira ne’ebé halo agresaun fíziku pesoál sunu sesta bázika iha munisípiu Viqueque, tanba pesoál refere tenta estraga programa Governu nian ne’ebé fahe sasán bázika ba populasaun.

“Polísia baku tanba tiu ne’e hasoru ko’alia kasar PNTL, tanba ne’e baku ne’e dever polísia nian, ita mai foti atu pecat fali nia ou oinsa ita mak atu túr iha nia fatin ka oinsa, dever polísia kuandu sala polísia tenke halo atuasaun to’o iha ne’ebá mak nia halo buat ruma polísia tenke hirus ka“, tenik Olinda.

Alende ne’e, deputada bankada CNRT, Maria Barreto, lamenta, bainhira deputadu sira apoiu membru polísia uza farda halo agresaun fíziku hasoru pesoál ne’ebé sunu sasán sesta bázika, tanba viola direitu umanu.

“Ohin balun dehan polísia halo atuasaun baku ema ne’e loos, ha’u hanoin ne’e sala bainhira polísia ida uza farad, ida ne’e ita konsidera violasaun direiru umanu, ha’u la konkorda bainhira deputada balun konkorda nia tenke halo. Ho ida ne’e ita hotu la kombate violasaun direitu umanu iha ita nia rai laran maibe ita sai fali apoiu ba seguransa hodi halo violasaun ba ita-nia povu sira“, tenik Maria.

Kazu agresaun fíziku ne’e, akontese iha loron 29, fulan Novembru, bainhira Governu liu husi Centro logística Nacional (CLN) distribui sesta bázika iha Lacluta-Viqueque. ety

Lee hotu :   Kandidatu membru VIII Governu naran tama TR tenke rezigna-an

Add to Comments Here!!!!

error: Content is protected.
Secured By miniOrange
You might also like:
AIFAESA sei halo inspesaun ba sasán sesta bázika

Koordenadór Autoridade Inspecção Económica, Sanitária e...

Pistola ba PSIK to’o ona iha Díli

Pistola ho marka Glock 19 ne’ebé...

Governu kontinua prevé osan ba Ró Haksolok

Maske hetan kritika husi bankada opozisaun...

Close