Rekupera ekonomia Timor-Leste, Assanami: Estadu tenke halo reflesaun

Deputadu bankada PD, Mariano Assanami Sabino, husu ba Governu atu halo reflesaun ba alokasaun Orsamentu Jerál Estadu (OJE) durante krize globál Corona Virus Disease 2019 (COVID-19), atu nune’e bele rekupera ekonomia Timor-Leste, liu husi apoia ba setór agrikultura, floresta no pekuária.

“Ha’u hanoin Governu tomak no Estadu tomak tenke halo reflesaun rasik  kona-bá orsamentu Estadu nian, ita iha situasaun krize globál ida ne’ebé ita hasoru, tanba ne’e mak ita tenke haree mak ne’e oinsa mak ita bele hamri’ik ekonomikamente iha ita-nia-ain leten, ne’e mak proposta sira ne’ebé ami halo i oinsa mak ita bele haree husi aspeitu ai-han nian, ita bele soberania alimentár, tanba ne’e mak proposta lubuk ida atu apoiu ba extensionista, guarda floresta, tratorista no ajente pekuária sira, tanba sira traballu ki’ik liu iha kraik, ne’ebé oinsa mak atu hasa’e produsaun no  produtividade iha kraik, tanba ne’e importante tebes”, Deputadu bankada PD ne’e iha Parlamentu Nasionál (PN), semana ne’e.

Assanami akresenta, Governu mós tenke tau matan di-di’ak ba idozu sira iha situasaun COVID-19 ne’e, tanba sira mak sai eroi ba uma-laran.

“Kona-bá ferik no katuas, tanba ferik no katuas sira dezde iha inísiu PD iha polítiku ida ne’e, atu oinsa mak defende sira, liu-liu valoriza sira, tanba sira eroi iha uma-laran, tanba to’o ona  60 anos iha situasaun COVID-19 ne’e ita presiza tau osan duni ba sira, apoia aumenta para ne’e mós hatama rendimentu ka osan ba uma-laran no do que ita mak sosa sasan fali ba ema iha Kupang no Atambua-Indonézia, di’ak liu ita mak fahe ba sira”, tenik deputadu bankada PD ne’e.

Entretantu durante surtu COVID-19 Governu tenke haree di-di’ak utilizasaun orsamentu Estadu no tenke fó apoiu maka’as ba setór produtivu sira iha Timor-Leste. Fre