JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Ha’u mak estuda direitu sei la hasai liafuan kesar

Xanana Gusmão: Ha’u mak estuda direitu sei la hasai liafuan kesar

Eis Prezidente Repúblika, Kay Rala Xanana Gusmão, hatete hodi sindir kapasidade Prezidente Repúblika (PR), Francisco Guterres Lú Olo, nian ne’ebé hasai kursu direitu maibe foin lalais dehan iha Baucau katak, CNRT kesar nia dala tolu ba Tribunal, maibe lakon hotu.

Tuir líder karismátiku Xanana Gusmão katak, PR  Lú Olo ne’ebé hasai kursu direitu labele uza liafuan sira ne’ebé “ami povu mak koalia kesar”, maibe tenke hatete katak, ba aprezenta keixa ba Tribunal.

Xanana afirma, CNRT respeita no tane a’as Estadu direitu demokrátiku, tanba ne’e mak CNRT tuir dalan legal no konstitusional. Xanana dehan, iha IV Governu konstitusional liu ba ne’e tuir dalan konstitusional, tanba partidu mais votadu Fretilin la konsege halo koligasaun, tanba ne’e momentu ne’eba Prezidente Repúblika, José Ramos Horta bolu segundu partidu mais votadu.

Tuir eis komandante em xefe Falintil ne’e katak, ukun ida agora ne’e la tuir dalan konstituisaun no mundu mos akompaña hodi tau matan hela ba violasaun konstituisaun RDTL ne’ebé oras ne’e la’o iha rai-laran.

“Ha’u rona katak ema balu (PR Lú Olo) koalia iha Baucau dehan katak, CNRT kesar, kesar dala tolu, kesar dala tolu. Ha’u mak estuda direitu ha’u la dehan kesar, maibe ha’u dehan aprezenta kazu ne’e iha Tribunal, ne’e ka lae? ‘Hetan basa liman maka’as husi militante no simpatizante sira). Liafuan kesar ne’e ita rakyat (Povu) ne’e mak dehan kesar, mas kuandu ita estuda ona direitu, ne’e ita la dehan katak, oiii sira ba kesar, sira ba aprezenta kestaun ne’e iha Tribunal. Atu lakon ka la lakon, mas ita hili dalan legal no konstitusional, tanba ida ne’e mak dalan diak liu atu hatudu ba povu, liu-liu ba jerasaun foun katak, nunka bele uza violensia mesmo que problema ne’e bo’ot, uza mak ulun, uza mak valores. Mundu agora tau matan hela mai ita ho violasaun konstituisaun ne’e”,dehan Xanana Gusmão ba militante no simpatizante CNRT sira iha Bairo dos Grilos, Sesta (18/12/20), hodi hatán deklarasaun PR Lú Olo nian iha vizita traballu iha Baucau foin lalais ne’ebé dehan katak, CNRT kesar nia dala tolu ba Tribunal, maibe lakon hotu.

Lee hotu :   Mari Alkatiri: Timor – Leste tama ona krize identidade

Xanana konta katak, CNRT mosu hodi rezolve problema krizi 2006, no CNRT moris hodi salva konstituisaun, ne’ebé hetan violasaun barak husi ema hirak ne’ebé ukun oras ne’e dadauk.GMN

Add to Comments Here!!!!

error: Content is protected.
Secured By miniOrange
You might also like:
PN sei debate ho MNEK kona-bá TL adere ba ASEAN

Vise Sekretáriu Meza Parlamentu Nasionál (PN),...

Sidadaun estranjeiru pozitivu COVID-19 rekuperadu

Koordenadór Pilar Hitu COVID-19, Nilton do...

KPIM sei inaugura monumentu saudozu Tae Siri iha Bobonaro

Komité Preparatóriu Inaugurasaun Monumentu (KPIM) sei...

Close