JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana husu estrutura CNRT prepara-an ho onestu ba futuru

Xanana husu estrutura CNRT prepara-an ho onestu ba futuru

Prezidente partidu CNRT, Kay Rala Xanana Gusmão, husu estrutura no militante partidu CNRT atu prepara-an ho onestidade, hodi konsolida partidu iha futuru ho di’ak liu tan.

“Maske iha tinan 2020 ne’e hasoru dezafiu no problema barak, maibé ultrapasa ona, maske balun mosu hanoin hakarak book-an hodi kontra violasaun sira konstituisaun RDTL, maibé labele, tanba CNRT mosu ho prinsípiu atu hakotu konflitu iha tinan 2006. Ita sei iha problema nia-laran, fou-foun hotu-hotu dehan ita book–ita book, book oinsa? book halo saída? tanba ne’e mak fou-foun mós ita temi kedas katak, ita bele iha dalan tolu, ida ita book, maibé nu’udár partidu ita hotu hatene katak la’e, la’e tanba bainhira ita book karik aat liu fali 2006.

“CNRT mosu ne’e tanba 2006, CNRT la mosu hanesan tuir hakarak de’it, harí partidu ida la’e, nu’udár Prezidente semana-semana ka semana rua-rua ha’u bolu partidu sira hotu, husu kona-bá atu rezolve 2006, maibé laiha ida fó netik hanoin ruma ne’ebé mak ha’u bele fiar, laiha. Iha partidu 12 mak iha PN, ho ida ne’e mak sente labele tiha de’it, hanoin katak sé laiha ideia atu ita rezolve 2006, ha’u dehan la’e, ita haluha tiha derepente fali terus ne’ebé hasoru durante tinan 24, hodi ema mak oho ita, agora ita oho malu tan, derepente de’it 2006 ita estraga malu, ita la hanoin liu katak, ita hanesan la kole liu kona-bá terus tinan 24 ne’ebé mak foin liu, hodi ida ne’e mak CNRT mosu, atu rezolve konflitu ida”.

“Ha’u rona balun dehan katak ukun tinan 10 la halo buat ida, maibé haluha tiha katak iha 2007 ita labele halo buat ida, iha kedas orsamentu rua mak ita prepara, ida to’o Dezembru no ida ba 2008, tanba ne’e 2008-2009 tinan rua nia-laran, atu rezolve problema iha Timor, ita halo buat ida tanba rezolve de’it problema”, Prezidente partidu CNRT ne’e iha kalan reflesaun no selebrasaun Natal hamutuk iha sede nasionál CNRT, Bairro dos Grilhos, Sesta (18/12/2020).

Tuir Xanana, atu konsolida partidu CNRT di’ak liu presiza ema hotu atu deklara-an bainhira sala, tanba ho onestidade mak bele dezenvolve-an di’ak liu.

“Ba tinan foun 2021 CNRT iha esperansa atu konsolida-an, atu defende konstituisaun RDTL, tanba ema barak mate tanba ida ne’e. Ohin loron labarik sira barak tan-barak tan, hanoin katak ita sei husik buat ruma di’ak ba sira-nia futuru. Programa boot G7+, imi hotu rona, atan oan ha’u iha ne’ebá, buka haleu mundu, buka ajuda rai na’in sira, atu rezolve sira-nia problema, buka ajuda sira, halo eleisaun demokrátika ho ita progresu konstrusaun Estadu no konstrusaun nasaun, sira haree ita hanesan ezemplu boot ida iha G7+”.

“Maibé agora ho situasaun ida hanesan ne’e, ha’u ba fali karik sira, atu ko’alia ho frakeza, sira kala dehan mai ha’u hanesan ne’e, o lalika mai ona, tanba ami sei la aprezenta ho imi nia hahalok viola imi nia konstituisaun rasik, buat ne’ebé o hanorin ami atu respeita. Tanba dalaruma ita haree tiha ba ita-nia sepatu foer hela ita hamoos tiha, hatais kapaas tiha, ita loko-an tiha, maibé la hatene katak, ema seluk hateke mai ita nia kalsa kidun fo’er hela”, tenik líder karismátiku ne’e.

Kay Rala Xanana Gusmão sente triste, ho situasaun Timor-Leste ninian, tanba antes ne’e Timor-Leste la’o ho situasaun ida kapás tiha ona, ikus mai hakiduk fali.

“Ha’u kontente, maske fou-foun iha partidu ida dehan ‘ita book–ita book’, ha’u dehan kalma, hili dalan legál konstitusionál, tanba ida ne’e mak dalan di’ak liu no seguru liu ba ita-nia povu rasik, liu-liu ba nova jerasaun atu hatudu katak, nunka bele uza violénsia, mezmu problema ne’e boot, uza mak ulun, uza mak prinsípiu, uza mak valores, hanesan amu dehan domin mak hamahon no respeitu malu mak hamahon. Tanba mosu atu rezolve konflitu, ita tuir dalan legál, ho fiar katak Maromak nia tulun, ita sei lori povu ida ne’e ba fali dalan loos ne’ebé sira mós hein hela”, dehan Prezidente partidu CNRT ne’e. say

Lee hotu :   KHUNTO: Posibilidade Xanana lidera VIII Governu

Add to Comments Here!!!!

error: Content is protected.
Secured By miniOrange
You might also like:
Lere: Membru ida hatudu órgaun vitál la hatún imajen F-FDTL

Xefe Estadu Maiór Jenerál FALINTIL-Forsa Defeza...

Governu kria programa sesta bázika atu tulun povu

Sekretáriu Jerál partidu FRETILIN, Marí Alkatiri,...

Kona-bá operasaun Skylight, Alkatiri keixa Rogério Lobato, Abílio ho LUGU ba MP

Sekretáriu Jerál partidu FRETILIN, Marí Alkatiri,...

Close