JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bankada Governu kestiona CNRT konsidera órgaun soberanu kontra konstituisaun

Bankada Governu kestiona CNRT konsidera órgaun soberanu kontra konstituisaun

Bankada Governu iha Parlamentu Nasionál (PN) hanesan FRETILIN, PLP no KHUNTO kestiona koerénsia bankada CNRT, tanba konsidera órgaun soberanu hotu nia funsionamentu la di’ak no kontra konstituisaun.

Deputadu PLP, Francisco de Vasconcelhos, hateten, bankada CNRT dún Prezidente Repúblika (PR), Francisco Guterres “Lú Olo” viola konstituisaun, dun tribunál la imparsiál no akuza Governu inkapasidade, tanba CNRT la kaer ukun.

“Hanesan iha terseira lejislatura Primeiru Ministru (PM), Kay Rala Xanana Gusmão obriga PN halo ajenda extraordinária ho plenária odamatan taka, hodi taka ba públiku no media, hodi impoin aprovasaun ba rezolusaun duni sai majistradu na’in 40 husi Portugál, tanba de’it majistradu balun hahú deskobre indísiu korrupsaun Governu nian. Tanba ne’e tuir bankada Governu nia haree pozisaun polítiku bankada CNRT nian hatudu dezesperadu, tanba lakon poder ba kaer ukun, nune’e tenta uza meiu oi-oin atu koko blokeia funsionamentu Estadu“, Deputadu bankada PLP ne’e liu hosi konferénsia imprensa iha PN, Segunda (18-01-2021).

Alende ne’e, Vise Xefe bankada CNRT, Patrocínio Fernandes, klarifika, bankada CNRT la dún PR viola konstituisaun no bankada CNRT haruka ona karta hodi husu tribunál halo fiskalizasaun abstrata bazeia ba relatóriu pareser husi komisaun A no C ne’ebé deteta Orsamentu Jerál Estadu (OJE) tinan 2021 inkonstituisionál, tanba sobu regra orsamentál.

“Prezidente komisaun A ho C mak dún, bankada CNRT kontinua de’it relatóriu pareser mai hosi komisaun A no C ne’ebé hateten, orsamentu inkonstitusionál hosi komisaun C hateten, sobu regra orsamentál, viola regra no sistema ho buat sira ne’e hotu mak bankada CNRT hanesan ajuda de’it tulun bankada Governu de’it. Nune’e bankada CNRT konsidera deklarasaun bankada Governu ne’e la lójika no la kompriende saída mak sistema Estadu nia rasik. Tanba ita-nia konstituisaun prevé katak iha grupu ida tenke iha opozisaun, hodi halo kontrolu ba aktu Estadu tomak para bele iha check and balance iha ita-nia nasaun demokrátiku, ne’e signifika FRETILIN rasik justifika nian-an”, afirma Patrocínio.

Entretantu bankada CNRT haruka karta ba Tribunál Rekursu (TR) hodi husu atu halo fiskalizasaun abstrata ba konstitusionalidade OJE 2021, iha loron 6 no iha loron 12, fulan Janeiru, tinan 2021, TR haruka karta notifikasaun ba Prezidente PN, Aniceto Guterres.

PN aprova OJE 2021 billiaun USD 1.8 resin iha loron 12, fulan Dezembru, ho votu a favor 44, kontra 0 no abstensaun 0. ety

Lee hotu :   Taka fronteira terrestre, Sahat Sitorus: Sei fó impaktu ba ekonomia Timor-Leste

Add to Comments Here!!!!

error: Content is protected.
Secured By miniOrange
You might also like:
RAEOA livre ona halo viajen ba munisípiu seluk

Ministru Prezidénsia Konsellu Ministru (MPKM), Fidelis...

MSSI devolve restu subsídiu USD 200 ba kofre Estadu

Pagamentu subsídiu USD 200 iha primeira...

Durante EE, Governu autoriza dokumentu “expire”

Governu liu husi reuniaun Konsellu Ministru...

Close