JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-FRETILIN husu Governu hapara partidariza funsaun públika

CNRT-FRETILIN husu Governu hapara partidariza funsaun públika

Prezidente komisaun A Parlamentu Nasionál (PN), Joaquim dos Santos, hateten, maske Sekretáriu Estadu no Ministru sira balun hala’o prosesu nomeiasaun politíka, maibé liu fali regra ne’e problema ba Estadu no hamosu deskontentamentu hosi públiku.

Tanba ne’e reprezentante povu hosi bankada FRETILIN ne’e, husu ba membru Partidu Polítiku (ParPol) sira ne’ebé hetan pozisaun iha Governu labele politiza funsaun públika, tanba sidadaun hotu-hotu iha direitu atu sai Funsionáriu Públiku (FP).

“Funsaun públika ne’e servisu tenke tuir nia rejime rasik, tanba na’in loloos administrasaun públika ne’e mak Governu ezersísiu de funsaun la’o tuir rejime funsaun públika, la tuir rejime funsaun públika problema, sé ida ne’e mak akontese, ida ne’e mak paralizadu duni, sé funsionáriu iha Timor laran servisu la tuir regra funsaun públika ne’e problema boot. Oinsa mak ita bele klarifika dehan sira-nia funsaun la tuir regra Komisaun Funsaun Públika (KFP), ParPol manan eleisaun ne’e hetan pozisaun iha Governu karik labele politiza funsaun públika. Tanba funsaun públika ne’e ema hotu nian, sidadaun hotu iha direitu atu asesu sai FP bainhira nia priense kritériu, labele kahur profisaun funsaun públika ho nomeiasaun politíka”, Prezidente komisaun A PN ne’e ba jornalista sira iha PN, Kinta (28-1-2021).

Tuir Joaquim dos Santos, iha nasaun RDTL tenke servisu tuir lei haruka, ho nune’e labele politiza funsaun públika, atu nune’e labele halo ema barak sofre ba aktu ida ne’e.

“Ita Estadu Direitu Demokráriku ne’e di’ak liu ita servisu tuir de’it lei haruka, lalika inventa sasán, prosesu rekrutamentu la bazeia méritu, maibé bazeia ba kor polítika, tanba ne’e mak ha’u esplika labele politiza sasán Estadu nian, sé politiza ema barak mak sei sofre instrumentu Estadu, ita kria kondisaun ba ema Timor tomak ho estranjeiru mós asesu ba nia ezersísiu direitu. Durante akontese barak tebes, ha’u lakohi hatudu prova sé-sé ema halo komentáriu, tanba iha kazu, so que ita seidauk prova, sé iha ema balun lori ba tribunál ita bele rezolve, Timor tenke barani atu kura, maibé depende individu“, haktuir Joaquim.

Vise Xefe bankada CNRT, Patrocínio Fernandes, hateten, realidade ida ne’e la’ós de’it akontese iha ministériu deit, maibé akontese tiha ona mós iha prosesu rekrutamentu ba administradór sira iha munisípiu no postu administrativu sira.

“Rekrutamentu ba ema kuaze 300 FP, maske iha ministériu refere iha funsionáriu kontratadu barak sira-nia job description la hatene atu halo saida forsa traballu laiha balansu ho saida mak atu halo, maibé halo tan rekrutamentu. Ida ne’e hatudu katak, intensaun atu lori ema sira ne’ebé iha kor partidu atu hatama hotu ba funsionalizmu públiku nian la bazeia ema nia abilidade. Durante ne’e akontese barak bainhira sai membru Governu hapara funsionáriu no rekruta funsionáriu ne’e ho indikasaun ne’ebé hatudu iha intensaun atu partidariza”.

“Ho nune’e fó impaktu lori todan ba Estadu, primeiru paraliza tiha funsionámentu KFP, prosesu administrasaun públika, tanba bainhira ema ida laiha esperiénsia kona-bá administrasaun públika, hodi haboot despeza Estadu nian no lori todan ba OJE. Tanba hasa’i OJE selu ema ne’ebé la produs no laiha produtividade ba ita-nia mákina Estadu, ita lalika haree ne’e akontese ba FP sira, maibé rekrutamentu ba membru Governu sira mós la produs produtividade, lalika dehan halo servisu linguazen iha públiku mós la adekuadu tiha ona, ita hanoin lori ita-nia Estadu ba ne’ebé?”, tenik Patrocínio.

Antes ne’e, eis Primeiru Ministru, Rui Maria de Araújo, hataten, iha média balun katak, administrasaun públika iha Timor-Leste partidariza no paralizadu. ety

Lee hotu :   20% edifisiu KFP la diak

Add to Comments Here!!!!

error: Content is protected.
Secured By miniOrange
You might also like:
Sidadaun JA tama ilegál mai Timor-Leste

Suspeita ho inisiál JA tinan 35...

EE dasanulu aprovadu, PN: Governu apoia seguransa

Parlamentu Nasionál (PN) aprova no autoriza...

Lere: Ema ne’ebé haleu Maun Xanana labele husik nia monu

Xefe Estadu Maiór FALINTIL-Forsa Defeza Timor-Leste...

Close