JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: FRETILIN ta’uk Xanana mak hatán Alkatiri nia keixa

CNRT: FRETILIN ta’uk Xanana mak hatán Alkatiri nia keixa

Bankada CNRT iha Parlamentu Nasionál (PN) liu hosi konferénsia ba imprensa hatete, Bankada FRETILIN ta’uk no pániku ho desizaun Comissão Política Nacional (CPN-CNRT) ne’ebé deside Prezidente CPN, Kay Rala Xanana Gusmão mak sei ba hatán keixa husi Sekretáriu Jerál PARTIDU FRETILIN, Mari Alkatiri nian iha Tribunál nu’udar arguidu.

Tanba ne’e, deputadu CNRT, Leandro Lobato, hateten, CPN-CNRT nu’udar órgaun koletivu ida ne’ebé nia líder máximu mak, Kay Rala Xanana Gusmão, nune’e iha obrigasaun atu ba hatán iha justisa nia oin.

“Bankada CNRT konsidera katak, bankada FRETILIN nia preokupasaun ne’e hatudu katak, bankada FRETILIN komesa ta’uk no pániku, tanba depois de rona Maun Boot Kay Rala Xanana Gusmão mak sei ba hatán iha tribunál, halo Marí Alkatiri halai ba subar iha bankada FRETILIN nia meza okos; CPN ka Comissão Política Nacional ne’e órgaun koletivu ida ne’ebé lidera husi Prezidente Partidu CNRT, Maun Bo’ot Kay Rala Xanana Gusmão. Tanba-ne’e, Prezidente Partidu ne’ebé mós nu’udar Prezidente CPN iha obrigasaun atu responsabiliza ba desizaun no asaun ne’ebé CPN foti hodi hasoru Dr. Mari Alkatiri; desizaun ne’e la’ós foti nara-naran, maibé foti liu hosi deliberasaun reuniaun CPN nian ne’ebé prezide husi Prezidente CPN-CNRT, Maun Bo’ot Kay Rala Xanana Gusmão; Membru CPN-CNRT sira la’ós labarik ne’ebé subar iha nia-ama nia saia hanesan Prezidente Bankada FRETILIN, Francisco Miranda Branco alega, maibé CPN-CNRT hanesan órgaun koletivu iha nia líder másimu atu responsabiliza ba nia asaun sira. Iha kazu ida ne’e, Prezidente CPN- CNRT mak Maun Bo’ot Kay Rala Xanana Gusmão, ida ne’e mak halo diferénsia entre partidu CNRT ho Mari Alkatiri”, hateten Deputadu Leandro Lobato, iha sala bankada (27/01/2021).

Entretantu eis Prezidente Komisaun A PN ne’ebé trata asuntu justisa no konstitusionál, deputada CNRT, Carmelita Moniz, hatete, Sekretáriu Jerál FRETILIN, Mari Alkatiri hato’o keixa ba Ministériu Públiku (MP) ne’e nia uza denunsia kalunioza.

“Denunsia kalunioza ne’e ita uza kuandu prosesu ne’e la’o, ita hetan tiha ona liberdade husi Tribunál katak ita la halo, entaun ho ida ne’e, ita uza denunsia kalunioza ne’e katak, ema halo kalunia mai ita katak buat sira ne’e la loos. Mas prosesu ne’e nunka akontese, MP nunka investiga kazu ida subornu Oceanic Exploration foti ne’e, nunka julgamentu iha Tribunál; segundu difamasaun agora é prosesu sivíl, ita la kriminaliza difamasaun. Se hakarak uza ba krime tenke Tribunál ida deside katak, Mari Alkatiri loos duni la simu subornu, absolve Dr. Marí husi ida ne’e, ne’e mak Dr. Marí uza ida ne’e hodi akuza fali ema sira ne’ebé que halo kalunia ba Dr. Marí, mas se mak halo kalunia? Ne’e laós CPN-CNRT mak halo. Se mak halo kalunia, ne’e Oceanic Exploration. CPN-CNRT hatutan deit saida mak akuzasaun husi Oceanic Exploration halo, ida ne’e mak loloos. Ne’ebé Dr. Marí hakarak akuza, tuir loloos akuza ba Oceanic Exploration, labele ba fali CPN-CNRT ne’ebé hatutan deit saida mak Oceanic Exploration hato’o ba públiku ho nia dadus tomak. Atu koalia loloos ne’e, CPN-CNRT tulun ona Ministériu Públiku atu hetan ida ne’e, loos ka la loos? Tanba Dr. Marí mós iha hela prezunsaun inosénsia, MP kaer ba ida ne’e halo to’ok investigasaun los ka la loos? Ne’ebé CPN-CNRT tulun ona órgaun judisiáriu sira atu halo investigasaun kle’an ba akuzasaun Oceanic Exploration nian kontra Marí Alkatiri, la’ós CPN-CNRT”, dehan Carmelita.

Maibé antes ne’e, Marí Alkatiri deklara ona katak, keixa rua ne’ebé aprezenta ba MP la’ós ba Prezidente CPN no Prezidente partidu CNRT, maibé keixa hasoru individu sira ne’ebé halo akuzasaun hasoru nia.

Tanba sira halo konferénsia imprensa ba dokumentu balun ne’ebé deskonfia aprezenta hosi empreza Oceanic Exploration no empreza ConocoPhillips, katak entrega osan montante USD 2.5 ba Marí Alkatiri, durante negosiasaun tratadu, tasi Timor iha tinan 2002-2003.

Antes ne’e, iha Tersa (26/1/2021), bankada FRETILIN liu husi nia komunikadu imprensa hatete katak, sira la konkorda CPN-CNRT deside fali Xanana Gusmão mak atu hatán ihá Tribunál kona-bá keixa Mari Alkatiri ninia, hahalok ida iresponsável. Tanba Xanana Gusmão la’ós parte lejítima ba prosesu ida-ne’e, tanba ida-ne’e prosesu justisa. san

Lee hotu :   FONGTIL: PN hakat liu regra demokrátiku

Add to Comments Here!!!!

error: Content is protected.
Secured By miniOrange
You might also like:
TR altera medida koasaun ne’ebé aplika ba eis Prezidente KFP

Tribunál Rekursu (TR) liu hosi despaixu...

HAK: Posibilidade TL iha transmisaun COVID-19

Diretór Asosiasaun HAK, Sisto dos Santos,...

CNRT husu Governu suspende distribuisaun sesta bázika iha fronteira

Bankada CNRT sujere ba VIII Governu...

Close