JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Governu hapara distribuisaun sesta bázika

CNRT: Governu hapara distribuisaun sesta bázika

Reprezentante povu iha uma fukun Parlamentu Nasionál (PN), Carmelita  Caetano Moniz, husu ba Governu atu hapara lai distribuisaun sasán sesta bázika, hodi halo avaliasaun, atu nune’e povu labele sai objetu ba  programa refere.

“Ita aprova orsamentu USD tokon 73.5 ba programa sesta bázika, uluk ami hakilar halo estudu di-di’ak depois mak implementa, la’ós naran atu implementa de’it ita sente fásil. Maibé ita halo implementasaun durante fulan rua ita ezekuta hotu kedas USD tokon 73.5, realidade to’o agora ezekusaun la hotu, problema loron kalan mosu hela de’it no emprezáriu sira halerik atu husu pagamentu, tanba emprezáriu sira seidauk hetan pagamentu maske sira hatama ona dokumentu no valór kontratu husi ministériu sira ne’ebé fornese sesta bázika la hanesan ministériu ida ho ministériu seluk. Ha’u husu ba Comissão Anti Corrupção (CAC) atu haree ida ne’e no ai-han sesta bázika, tanba tuir ami-nia koñesimentu barak mak hatama husi rai-liur, ita atu rekupera sé nia ekonomia, ekonomia iha rai-laran ou rai-liur, tanba ita-nia stock la to’o, uluk ami foti ida ne’e ita-nia stock to’o ka la to’o labele obriga-an ita buka medida seluk atu rekupera ita-nia ekonomia rai-laran”.

“Maibé ulun toos hakarak nafatin atu implementa programa sesta bázika hodi fahe, ne’e fó benefísiu ba sé. Agora ita hotu husu ba ita-nia-an, benefísiu ba emprezáriu ka benefísiu ba povu sira ne’ebé fa’an sira-nia ai-han, ita husu onestu ba ita ida-idak nia-an, problema barak ha’u husu ba ita hotu atu hapara lai programa sesta bázika, halo lai avaliasaun, keta halo ba ita rekupera nafatin ekonomia rai-liur nian ho ai-han ne’ebé ita haree dau-dauk hahan sira ne’ebé ita-nia povu la merese atu simu ita haree povu sai objetu ba progama sesta bázika ne’e“, deputada bankada CNRT ne’e liu husi ninia intervensaun iha plenária, Segunda (11-01-2021).

Deputadu bankada FRETILIN, Alexandrino Cardoso, informa, maske nune’e produtu balun sosa iha rai-liur, maibé programa sesta bázika fó benefísiu ba benefisiáriu sira.

“Ha’u hanoin programa sesta bázika programa di’ak, povu hetan benefísiu dupla husi sesta bázika, tanba sira-nia produtu iha hotu folin, segundu produtu ne’ebé Governu ka kompañia sosa ba fali povu rasik, la’ós ida ne’e de’it buat seluk tan. Deputadu apoiu Governu rekoñese loos duni produsaun balun obrigatóriu sosa husi rai-liur, tanba iha rai-laran laiha produsaun hanesan susubeen no seluk. Maibé ba futuru Governu tenke dezenraska halo produsaun iha rai-laran komunidade mós husu atu kontinua implementa, iha futuru povu sente programa ida ne’e furak no kapas”, tenik Alexandrino.

Ministru Asuntu Parlamentar no Komunikasaun Sosiál (MAPKOMS),  Francisco Jeronimo, hateten, nia parte sei rejista no sei hato’o  preokupasaun deputadu sira nian ne’e ba ministériu kompotente, hodi buka solusaun.

Antes ne’e, iha loron 6, fulan ne’e, sidadaun ida husi aldeia Fomentu, suku Comoro, lori ai-han sesta bázika ne’ebé simu aprezenta ba komisaun D ne’ebé trata asuntu ekonomia no dezenvolvimentu iha PN, tanba pakote sesta bázika ne’ebé sira simu la saudavel. ety

Lee hotu :   PM Taur: Kuandu presiza sei halo remodelasaun Governu

Add to Comments Here!!!!

error: Content is protected.
Secured By miniOrange
You might also like:
SEFOPE sei responsabiliza lori mate-isin Tomas Pereira mai TL

Governu liu husi Sekretaria Estadu Polítika...

PN adia hikas eleisaun ba membru KI

Parlamentu Nasionál (PN) kinta lejislatura adia...

CAC investiga kazu ho natureza korupsaun hamutuk 73

Iha inísiu tinan 2020 Comissão Anti...

Close