JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Governu tenke oferese hahan ne’ebé saudavel ba povu

CNRT: Governu tenke oferese hahan ne’ebé saudavel ba povu

Vise Xefe bankada CNRT, Patrocinio Fernandes, afirma, Governu tenke oferese sasán (ai-han-red) sesta bázika ne’ebé saudavel ba povu, tanba na’in ba Orsamentu Jerál Estadu (OJE) mak povu.

“Parlamentu Nasionál (PN) krítika Governu tanba distribui pakote sesta bázika  ne’ebé la saudável no la tuir presu ne’ebé Governu promete ba benefisiáriu sira, maibé pakote sesta bázika ne’ebé Governu implementa dau-daun ne’e uza osan povu nian, nune’e Governu tenke oferese hahan ne’ebé saudavel, tanba ne’e ho preokupasaun no  krítika husi komunidade,  Governu tenke hadi’a ona presu sasán no mós oferese hahan ne’ebé di’ak,  la’os kontinua oferese hahan ne’ebé ladun di’ak ba povu. Ha’u hanoin  sesta bázika la’ós notísia foun ba ita, halo distribuisaun ai-han mak ida ne’e de’it, ita akompaña iha média loron ba loron tempu aumenta nia kuantidade mós diminui depende buat ne’ebé ita haree husi média, nia kuantidade loron ba loron diminui, buka meius atu hadi’a krítika mai husi públiku, mais la koriji, kontinua diminui kuantidade ne’ebé iha. Ha’u hanoin asuntu ida ne’e preokupante ba Estadu tomak no ba Governu tenke tau atensaun sériu ba ida ne’e para hadi’a situasuan sira ne’e, kona-bá hahan ita ko’alia merese-la merese distribui ai-han ne’ebé dodook, maske hosi inísiu ema hotu  bolu atensaun”, Vise Xefe bankada CNRT ne’e ba jornalista sira iha PN, Sesta (08-01-2021).

Tuir patrocinio, programa sesta bázika la’ós karidade husi membru Governu sira, maibé povu nia osan mai aprova iha PN, nune’e povu merese hetan USD 25 kada fulan tuir planu fulan rua, tanba ne’e Governu tenke responsabiliza valór ne’ebé ne’ebé povu merese atu hetan.

“Maske hahú implementasaun programa sesta bázika ami bolu ona  atensaun  ba instituisaun CAC no PDHJ atu akompaña  hodi asegura labele  uza povu hanesan instrumentu públiku ne’e labele, ami labele ko’alia bainhira programa sesta bázika ne’e Primeiru Ministru (PM) mak mobiliza nia membru Governu sira hodi rai hamutuk sira-nia osan hodi halo asaun karidade ba povu, ema hotu kestiona tanba osan povu nian aprova iha PN”, tenik deputadu CNRT ne’e.

Husi sorin seluk, Sekretaria meza PN, Lídia Norberta, hateten, distribuisaun sesta bázika hetan komplain husi komunidade sira ne’e la’ós tanba sistema mak la di’ak, maibé problema mosu iha intervinente sira, tanba ne’e sira tenke iha responsabilidade.

Tuir nia, durante distribuisaun sesta bázika maske iha krítika, maibé instituisaun independente hanesan AIFAESA no CAC mós halo akompanamentu.

“Sistema di’ak, maibé órgaun fiskalizadór nia prespektiva sistema ne’e di’ak, maibé intervinente iha sistema ne’e mak iha probema, tanba programa sesta bázika tuir prespektiva ami nian nia di’ak. Konseitu sesta bázika di’ak oinsa mak buka atu hasa’e produsaun lokál, problema iha intervinente sira katak Governu la servisu mesak, maibé presiza tulun husi setór privadu maske iha duni reklamasaun, la’ós iha fatin hotu, labele foti ida ne’e jeneraliza ba implementasaun iha Timor laran tomak. Maske iha implementasuan sesta bázika balun di’ak no la di’ak presiza halo investigasaun ba ida ne’e, maibé durante programa sesta bázika kuandu tun akompaña husi instituisaun CAC, AIFAESA no sira seluk. Ita boot sira mós sempre akompaña labele ba ida aat ne’e, ba mós ida di’ak ne’e, média tenke halo equilíbrio informasaun no investigativu”, tenik Sekretaria meza PN ne’e.

Entretantu iha loron 6, fulan ne’e, komunidade balun husi aldeia Fomentu,  suku Comoro lori ai-han sesta bázika aprezenta ba komisaun D PN, tanba pakote refere la saudável ona (dodook-red). ety

Lee hotu :   PPN rejeita informasaun kona-bá atu rezigna-an

Add to Comments Here!!!!

error: Content is protected.
Secured By miniOrange
You might also like:
Taur: Se for necessário, haverá remodelação governamental

O Primeiro-Ministro, Taur Matan Ruak, disse...

Comissão G pede cumprimento das regras sanitárias na reabertura das escolas

O Presidente da Comissão G, que...

Stock foos iha Timor-Leste sei naton hela

Prezidente Centro Logístico Nacional (CLN), Augusto...

Close