JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EE da-sia la’o rungu-ranga, PN husu Governu hadia servisu

EE da-sia la’o rungu-ranga, PN husu Governu hadia servisu

Reprezentante povu iha uma fukun Parlamentu Nasional (PN), husu Governu atu hadia prestasaun servisu hodi kontrola komunidade sira atu kumpri regra Estadu Emerjénsia (EE), hodi  bele prevene Corona Virus Disease 2019 (COVID-19) iha  Timor- Leste  (TL). Tanba implementasaun regra EE da-sia ne’e la’o rungu-ranga loos.

“Ita- nia  implementasaun  EE  ba  da-9 ita hateten dehan rungu rangga duni, tamba faktu hatudu barak lo’os iha momentu ita hasai regra ema la kumpri barak lo’os la iha uniformizasaun ba atuasaun medida sira ne’e ha’u hanoin buat ida importante para atu hadia,”deputadu CNRT Patrocinio  Fernandes, liu hosi nia intervensaun,  iha  plenária, Tersa (5/0/2021).

Deputadu opozisaun  ne’e esplika, sidadaun la kumpri regra EE , sé  la’e  to’o momentu ruma pandemia COVID-19  bo’ot tebes depois  iha  públiku sira nia kumprimento ba medida sira ne’e tau nasaun no povu iha risku nia laran.

“Ha’u hanoin importante Governu atu haree uniformiza medida de atuasaun ba parte hotu la’os parte balun, ita fó fali iha fleksibilidade iha parte balun mak ita dehan muda ne’e la bele, ho nune’e ita bele hamosu fali oponiaun  kontraversial  iha públiku refere,”dehan patrocinio.

Nune’e , deputadu   FRETILIN  Alexandrino  Cardoso mós reforsa , kona-ba implementasaun regra Estadu Emerjénsia (EE), realidade hatudu sidadaun sira hala’o movimento iha fatin públiku la uza máskara.

“Atu halo prevensaun ba COVID-19, ita nia komunidade barak iha Díli laran de’it la kumpri ita haree sira movimentasaun ba mai la uza maskara ida ne’e oinsa. Tanba ne’e, husu ba ministériu kompetente atu halo sosializasaun nune’e ita nia komunidade bele kumpri regra tanba COVID -19 perigu tebes mai ita,“ subliña Alexandrino.

Lee hotu :   Hakotu impase polítiku, UDT-Frenti Mudansa: Sujere governu grande inkluzaun ba PR

Ministru Asuntu Parlamentar no Komunikasaun Sosial, Francisco Jeronimo klarifika, implementasaun EE agora lo’os iha loron 20 fulan Dezembru (KM) extra ordinário aporova no altera dekreto lei  implementasaun EE  ba da 9 ho rigoroju. Ho aumenta kazu atu halo metigasaun ba kazu sira ne’e presija iha lei ida atu bele rezolve no fó dalan atu implementa.

Tuir lei ne’ebé Konsellu Ministru (KM), aprova katak iha lei labele iha atividade halibur ema liu nain 10, mantein distansia sosial bainhira lei tama em vigor Igreja foti desizaun iha loron 30 fulan dezembru tinan 2020 ne’ebé realiza misa sem parisipa hosi sarani sira.

“Governu la inventa buat ida, halo lei implementasaun ita hotu tenke kumpri,  iha lorn 30 fulan dezembru lori renovasuan EE mai iha PN aprova no autoriza, hafoin ne’e KM aprova ezekusaun dekretu lei vigora iha loron 3 fulan Janeiru to’o loron 2 fulan Febreiru tinan ne’e iha ezekusuan rigor liu fali hosi anterior ,“esplika Francisco.

Tanba ne’e bainhira sidadaun sira la kumpri regra EE sei iha sansaun lori ba MP, tuir lei ne’ebé dezo-bedese ba regra ne’ebé hasai,  ida ne’e mak sei aplika dadaun ne’e sei realiza sosializasaun nune’e bele kumpri lei refere.

“Ha’u hanoin la’os runggu rangga la’o tuir korridor maibé, informasaun mak ita la hetan, ita hatete buat hotu la’o la di’ak maibé, agora la’o hodi informa ba ema hotu bainhira halibur ema liu nain 10 , seguransa informa dehan labele di’ak liu para , sé la para mak sei parsipa iha MP hanesan mós sé mak la’o iha públiku la uza maskara bainhira segurana fó hatene tenke uza maskara mós sei halo partipasaun,“tenik Governante ne’e.

Lee hotu :   KM análiza rezolusaun konkursu kontratu petróleu

Iha loron tolu 30 fulan Dezembru Konsellu Ministru aprova medidas ezekusaun renova Estadu Emerjénsia ne’e hosi dekretu Prezidente Repúblika  númeru (73/2020) atu hatán ba pandémia COVID-19.

Dekretu  Governu  refere, obriga ema hotu ne’ebé la sujeita ba rejimi izolamentu obrigatóriu tenke mantein distánsia sosiál  bandu halo soru-mutuk ka halo manifestasaun bandu mós realiza kualker eventu ho karákter relijiozu  no bandu halibur ema liu na’in 10. ety

Add to Comments Here!!!!

error: Content is protected.
Secured By miniOrange
You might also like:
PN ezije Governu kontrola kompañia fahe sasan fuhuk ba povu

Deputadu sira iha Parlamentu Nasionál (PN)...

Semana ne’e, MSSI halo pagamentu ba reklamante subsídiu familiár 12.597

Governu liu husi Ministériu Solidareidade Sosial...

Membru PNTL tiru kanek abitante ida iha Tasitolu detein ona iha sela

Membru   Polísia Nasionál Timor-Leste (PNTL)...

Close