JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EE dasanulu aprovadu, PN: Governu apoia seguransa

EE dasanulu aprovadu, PN: Governu apoia seguransa

Parlamentu Nasionál (PN) aprova no autoriza ona implementasaun Estadu Emerjénsia (EE) ba dasanulu, ho votu a favór 50, kontra 0 no abstensaun 6. Maibé PN husu nafatin Governu atu fó apoiu fasilidade ba seguransa sira ne’ebé destakadu iha fronteira.

“Servisu ne’ebé forsa sira halo atu hametin vijilánsia iha fronteira, tanba sira-nia servisu mak ita iha kotuk ita bele hakmatek, situasaun agora ita hatene katak, problema iha fronteira mak ita preokupa em termos kapasidade hodi halo vijilánsia. Ha’u hanoin ita iha ministériu rua ne’ebé tau matan ba ida ne’e sira hatene saída sira tenke halo“, Xefe bankada CNRT, Duarte Nunes iha PN, Kuarta (27-01-2021).

Duarte akresenta, ho implementasaun EE ba dasanulu PN fó hanoin nafatin katak, ministériu kompetente tenke haree no apoia fasilidade ba seguransa sira iha fronteira. Tanba realidade hatudu fasilidade ba seguransa sira iha fronteira menus tebes, nune’e ministériu kompetente iha obrigasaun atu hatene sira-nia kondisaun, hodi tau atensaun ba sira.

“Governu tenke hatene movitu no razaun saída mak obriga populasaun sira tenke hakat liu hosi fronteira no forsa sira sempre kaer, tanba nesesidade mak obriga sira. Ha’u hanoin ita iha líder komunitáriu no Ofisiál Polísia Suku (OPS), sira presiza atu hatene, maske kalan boot mós sidadaun sira hakat ba sorin, maibé sira fila kedas, tanba iha nesesidade hodi sosa buat ruma fa’an, hodi bele sustenta sira-nia familia”.

“Ho nune’e Governu presiza tau atensaun saída mak populasaun sira presiza iha fronteira, ne’e Governu bele garante buat ne’ebé falta ba populasaun sira, nune’e sira labele hakat ba sorin, nune’e bele hamenus sira-nia nesesidade atu ba sorin. Ita haree populasaun balun hela iha forsa sira-nia oin, balun iha kotuk, kualker maneira sira fásil atu kontaktu ba sorin, estrada mak fahe, mota mak fahe, Governu tenke apoiu hosi líder komunitáriu, nune’e oinsa bele kontrola sira iha fronteira”, tenik Xefe bankada CNRT ne’e.

Nune’e deputadu bankada FRETILIN, Silvino Morais, reforsa, ho númeru COVID-19 aumenta Governu presiza haree situasaun iha fronteira, tanba iha semana kotuk iha Haekesak-Indonézia mate na’in ida (1) no halo’ot mate-isin besik área Timor-Leste, suku Tapo Memo, munisípiu Bobonaro.

“Ita hanoin sé ida ne’e halo’ot besik mai ita nia área, ita hanoin to’ok oinsa atu bele haree fronteira ho di-di’ak, tanba ne’e ha’u sujere ba Governu iha suku sira iha fronteira sira iha membru Konsellu Polisiamentu Komunitáriu. Tanba iha munisipíu sira baliza ho Indonézia balun mota mak fahe no balun estrada de’it, nune’e fásil ba komunidade sira atu hakat ba sorin tenke haree di-di’ak opistál sira iha Atambua (Indonézia) ne’e taka”, tenik Silvino.

Nune’e implementasaun EE ba dasanulu sei hahú iha loron 2, fulan Fevereiru, tinan ne’e, sei remata iha loron 3, fulan Marsu, tinan 2021.

Entretantu iha intervensaun Primeiru Ministru (PM), Taur Matan Ruak ba plenária, hateten, iha posibilidade Timor-Leste bele iha transmisaun lokál ba COVID-19, tanba la garante kontrolu seguransa 100% iha fronteira. ety

Lee hotu :   PR HARUKA DEKRETU LEI DUODÉSIMU BA TR

Add to Comments Here!!!!

error: Content is protected.
Secured By miniOrange
You might also like:
Lere: Ema ne’ebé haleu Maun Xanana labele husik nia monu

Xefe Estadu Maiór FALINTIL-Forsa Defeza Timor-Leste...

MS deteta Timor-oan ida pozitivu COVID-19

Ministériu Saúde (MS) rejista tan Timor-oan...

Lere: Kriminaliza ema tama-sai ilegál

Xefe Estadu Maiór FALINTIL-Forsa Defeza Timor-Leste(F-FDTL),...

Close