JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EE dasanulu: Sé mak tama ilegál mai TL selu rasik kuarentena

EE dasanulu: Sé mak tama ilegál mai TL selu rasik kuarentena

Konsellu Ministru (KM) aprova ona projetu husi Dekretu Governu ne’ebé aprezenta husi Primeiru Ministru (PM), Taur Matan Ruak, kona-bá medida sira ezekusaun Estadu Emerjénsia (EE) ne’ebé renova ona husi Dekretu Prezidente Repúblika númeru 6/2021, fulan Janeiru, hodi hatán ba pandemia COVID-19.

Ministru Prezidénsia Konsellu Ministru (MPKM), Fidelis Manuel Leite Magalhães, hateten, iha EE dasanulu ne’e Governu la autoriza ona sidadaun sé de’it halo auto kuarentena, exeptu diplomata sira no ba sidadaun ne’ebé tenta tama mai Timor-Leste ho dalan ilegál tenke selu rasik fatin kuarentena ne’ebé Governu hili ona.

“Wainhira tama mai iha opsaun rua, opsaun ida mak ita iha fasilidade ne’ebé Governu hari’i ona no kontinua gratis no kuandu nia tama ilegál kuarentena la gratis ou iha opsaun seluk nia rasik mak husu atu ba hela iha otél ruma, maibé agora diplomata de’it mak bele ba hela iha sira-nia rezidénsia, tanba iha nasaun seluk mós sira fó biban ba diplomata Timor-oan sira, maibé sira ne’ebé la’ós diplomata sira mai tenke iha fatin ne’ebé Governu hili”, MPKM ne’e iha Palásiu Governu, Sesta (29-01-2021).

EE ne’ebé dau-daun ne’e renova ona abranje ba teritóriu nasionál no vigora entre oras 00.00, loron 2, fulan Fevereiru, tinan 2021 no oras 23.59, loron 3, fulan Marsu, tinan 2021.

Hanesan hateten iha Dekretu Prezidente Repúblika haree katak “iha termu globál situasaun epidemiolójika hatudu tendénsia agravamentu” no “liu-liu evolusaun pandémika iha provínsia Indonézia Sunda Orientál (Nusa Tenggara Timor (NTT)”, impoin manutensaun konjuntu importante ida kona-bá medida sira ne’ebé prevene importasaun SARS-CoV-2 ba teritóriu nasionál no ninia transmisaun entre populasaun”.

Dekretu Governu impoin katak, ema hotu ne’ebé iha teritóriu nasionál tenke buka adota no promove adosaun komportamentu distansiamentu sosiál, hanesan la partisipa iha fatin sira ne’ebé halibur ema barak, mantein distansiamentu pelumenus metru ida husi ema seluk, ho sira ne’ebé mak la moris hamutuk iha família nia laran, utiliza máskara fasiál ne’ebé taka inus no ibun bainhira tama iha fatin ne’ebé taka metin no ema barak halibur malu no fase-liman bei-beik, liu-liu iha kontaktu ho sasán sira hanesan osan no bainhira hakarak tama iha estabelesimentu komersiál sira ka iha edifísiu sira ne’ebé funsiona servisu administrasaun públika.

Indivídu hotu-hotu ne’ebé hakarak tama no sai husi teritóriu nasionál sei kontinua obrigatóriu sujeita ba kontrolu sanitáriu. Sei kontinua mós obrigatóriu ba izolamentu profilátiku (kuarentena) ho durasaun mínima loron 14 no halo teste ba COVID-19 ba sidadaun sira ne’ebé hakarak tama iha paíz ne’ebé hatudu sintomatolójia husi COVID-19 ka ema sira iha ona kontaktu ho indivídu sira ne’ebé infetadu ho SARS-Cov-2.

Despeza sira ne’ebé relasiona ho izolamentu profilátiku sei suporta husi indivídu ida-idak, bainhira kumpre iha estabelesimentu saúde ka iha sentru izolamentu privadu ne’ebé estabelese husi Estadu.

Nafatin bandu atu hakat liu fronteira terrestre nian ba fins tradisionál ka kostumeiru nian no mós ba asesu merkadu sira ne’ebé regula ona, sei mantein nafatin ba sansaun sira ne’e. Ema estranjeiru sira ne’ebé tama iha teritóriu nasionál, liu husi fronteira terrestre sira nafatin sujeita ba autorizasaun prévia.

Durante períodu vijénsia EE lisensa hotu-hotu, autorizasaun no aktu administrativu sira seluk no dokumentu sira mantein válidu la haree ba ninia validade prazu nian.

Ajente sira husi servisu seguransa tenke sensibiliza ema hotu-hotu atu bele kumpre saída mak hatúr iha Dekretu Governu ida ne’e. Ajente sira husi forsa seguransa identifika ema hirak ne’ebé la kumpre orden sira ne’ebé fó-sai ona no hato’o keixa ba Ministériu Públiku (MP) kona-bá saída mak akontese no ema sira-ne’ebé viola sei asume responsabilidade kriminál, tuir regra sira ne’ebé prevé iha Kódigu Penál. Iha kazu infrasaun sei komete husi sidadaun estranjeiru sei partisipa ba Servisu Migrasaun. ida

Lee hotu :   PR Lú Olo lalikan mehi ba eleisaun antesipada

Add to Comments Here!!!!

error: Content is protected.
Secured By miniOrange
You might also like:
PN: PNTL tiru tohar sidadaun tama-sai ilegál

Parlamentu Nasionál (PN) husu Polísia Nasionál...

PR dekreta EE ba dasanulu ho durasaun fulan ida

Prezidente Repúblika (PR), Francisco Guterres Lú...

Espoza Guntur: Tau matan netik ba ha’u-nia oan sira

Saudozu Deputadu Sabino Soares ‘Guntur’ halo’ot...

Close