JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fiskalizasaun OJE la’ós atu blokeia Governu

Fiskalizasaun OJE la’ós atu blokeia Governu

Vise Xefe bankada CNRT, Patrocínio Fernandes, subliña, pedidu CNRT kona-bá fiskalizasaun abstrata ba Orsamentu Jerál Estadu (OJE) tinan 2021 ne’e laiha intensaun atu blokeia funsionamentu Governu.

Tuir nia bankada CNRT submete pedidu fiskalizasaun abstrata ba OJE 2021, ne’e la’ós tanba dezespera ba ukun, maibé defende konstitusionalidade no legalidade OJE 2021, bazeia ba relatóriu Komisaun A no Komisaun C nian.

“Deklarasaun bankada Governu de faktu ne’e reflete katak, a final das contas durante ne’e bankada FRETILIN halo fiskalizasaun abstrata ba OJE 2008, 2009, 2010, 2011, 2018 no 2019, tanba bankada FRETILIN dezespera ba ukun. Bankada CNRT dezmente alegasaun katak durante kaer pasta nu’udár Primeiru Ministru (PM), maun boot Kay Rala Xanana Gusmão obriga Parlamentu Nasionál (PN) ajenda sesaun estraordinária ho plenária taka odamatan, hodi impoin aprovasaun ba rezolusaun duni sai majistradu na’in 40 husi Portugál”, Vise Xefe bankada CNRT, Patrocínio Fernandes  hato’o kestaun ne’e liu hosi konferénsia ba impresa, Tersa (19-01-2021).

Nia esplika, plenária estraordinária ne’ebé bankada Governu de faktu mensiona ne’e kabe ba kompeténsia Prezidente PN nian iha altura ne’ebá lidera husi Fernando Lasama Araújo (matebian-red). Plenária taka odamatan ne’e halo tanba debate kona-bá interese nasionál ne’ebé bankada FRETILIN rasik mós aprova no envolve iha debate ida ne’e, inklui fó votu A favór ba rezolusaun ne’ebé espulsa majistradu sira.

Alénde ne’e mós deputada bankada CNRT, Carmelita Caetano Moniz, esplika,  bankada CNRT haruka karta ba tribunál atu halo fiskalizasaun abstrata  ba OJE, tanba la priense kritéria konstituisaun artigu 145 ne’ebé hateten OJE tenke kaer ba prinsípiu efikásia no efisiénsia.

“Ami haree OJE 2021 la kaer ba prinsípiu efikasia no efisiénsia iha OJE prevé fali 14 milhões ba Ró Haksolok la priense efikásia no efisiénsia la kumpre lei orsamentu jestaun finanseira ne’ebé sai nu’udár matadalan ba OJE hahu husi nia estrutura orsamentu la priense tiha ona katak estrutura tenke iha nia kapitulu, títulu verva sira labele hanesan dau-dauk OJE  primeiru la priense kritériu kapítulu títulu verva sira-nia livru sira ne’e la hanesan orsamentu ne’e hamutuk livru  sia (9), tanba lei OJE ho livru sira ne’ebé atu ajuda deputada hodi hatene loloos orsamentu ne’e la hanesan númeru soke malu tun-sa’e estrutura orsamentu la muda la kumpre lei orsamentu jestaun finanseira lori OJE 2021 atu altera fali lei orsamentu jestaun finanseira hateten katak, tranferénsia entre rúblika labele liu hosi 20% lei oje 2021 iha artigu 14 bele halo transferénsia entre rúblika liu 20%”, tenik deputada bankada CNRT ne’e.

Entretantu OJE tinan 2021 ho montante billiaun USD 1.8 resin aprova iha PN iha loron 12, fulan Dezembru no Prezidente Repúblika (PR) promulga iha loron 28, fulan Dezembru, tinan 2020.

Maibé iha loron 6, fulan Janeiru, CNRT haruka karta pedidu fiskalizasaun abstrata ba Tribunál Rekursu (TR) no iha loron 12, fulan ne’e TR notifika Prezidente PN, Aniceto Guterres no tuir lei Prezidente PN iha loron 30 nia laran bele fó resposta ba TR. ety

Lee hotu :   CNRT: FRETILIN “kán” ukun forma de’it IX Governu ■ Meza kinta lejislatura mudansa bainhira iha Governu foun

Add to Comments Here!!!!

error: Content is protected.
Secured By miniOrange
You might also like:
PD husu Governu rezolve Sesta Bázika

Bankada PD husu Governu atu rezolve...

Ospitál Maliana falta aimoruk

Bankada CNRT preokupa tebes ho situasaun...

PNSIK detein Xefe Suku Manleuana no abitante

Polísia Nasionál Servisu Investigasaun Kriminál (PNSIK),...

Close