JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu hamamar regra EE, hametin seguransa fronteira terrestre

Governu hamamar regra EE, hametin seguransa fronteira terrestre

Konsellu Ministru (KM) aprova ona dekretu Governu foun hodi hamamar regra Estadu Emerjénsia (EE) no hametin seguransa fronteira terrestre, nune’e atividade bele la’o fila-fali, maibé nafatin kumpre regra prevensaun.

“Ita to’o iha konkluzaun ida sientifikamente númeru rekuperasaun boot liu númeru moras foun no agora seidauk iha infesaun komunitária ne’e bele halo mamar medida EE, ho ida ne’e wainhira dekretu aprova ohin (15/01) tama, ohin quer dizer aban (16/01) medida foun iha ona nia fatin, atividade relijioza nian no kultura nian bele kontinua, maibé kontinua uza máskara no medida seluk, tanba iha fronteira númeru sei aas, ita sei la halo mamar regra fronteira, maibé halo mamar regra rai-laran, ita husu nafatin ba komunidade uza máskara, fase-liman no mantein distánsia sosiál”, Ministru Prezidénsia Konsellu Ministru (MPKM), Fidelis Manuel Leite Magalhães iha Palásiu Governu, Sesta (15-01-2021).

Haree mós ba rekuperasaun husi ema ne’ebé infeta ona COVID-19, nune’e mós ba auzénsia rejistu kazu sira ho transmisaun komunitária, KM delibera ona hodi revoga dekretu Governu númeru 21/2020, loron 30, fulan Dezembru no aprova ona projetu dekretu Governu foun ne’ebé aprezenta husi Primeiru Ministru (PM) kona-bá medida sira ezekusaun deklarasaun EE ne’ebé efetua husi dekretu Prezidente Repúblika (PR) númeru 73/2020, loron 30, fulan Dezembru.

Medida sira ne’ebé mak hatuur iha diploma ne’e mak hanesan ho dekretu Governu númeru 18/2020, loron 3, fulan Dezembru, ne’ebé define ona regra sira ba ezekusaun husi deklarasaun ida uluk EE.

Dekretu Governu ne’e mós sei nafatin bandu atu hakat liu fronteira terrestre ba fins tradisionál ka kostumeiru nian sira no mós ba asesu merkadu sira ne’ebé regula ona ema estranjeiru sira ne’ebé tama iha territóriu nasionál liu husi fronteira terrestre sira nafatin sujeita ba autorizasaun prévia.

Vise Ministru Interior (MI), António Armindo mós hateten, relasiona ho númeru pasiente COVID-19 ne’ebé kontinua aumenta iha nasaun viziñu hanesan Nusa Tenggara Timur (NTT) Indonézia Governu mós sei aumenta postu seguransa, hodi evita ema halo movimentu ilegál.

“Ita preokupa kona-bá ida ne’e, Komisáriu mós ko’alia ona ho Komandante UPF no Komandante sira iha munisípiu atu sira bele servisu hamutuk, hodi asegura fronteira sira, asegura liu ba fatin sira ne’ebé UPF identifika movimentu ilegál barak, para nune’e ita hatene ema halo movimentu ilegál ne’e lori risku mai Timor-Leste, sidadaun tenke iha konsiénsia no iha inisiativa rasik”, tenik António.

Governante ne’e mós apela ba komunidade atu kontribui ba servisu UPF liu husi hasa’e konsiénsia atu labale halo movimentu ilegál iha fronteira, hodi prevene-an husi risku COVID-19. ida

Lee hotu :   Fo fali poder ba Xanana atu lidera

Add to Comments Here!!!!

error: Content is protected.
Secured By miniOrange
You might also like:
AIFAESA: Konsumu produtu implika ema nia saúde krime

Produtu hirak ne’ebé konsumu husi komunidade...

Tribunál aplika AP ba Diretór empreza LIRAN TECK

Tribunál Distritál Díli (TDD) liu hosi...

Médiku ida identifikadu pozitivu COVID-19

Iha loron 16, fulan Janeiru, tinan...

Close