JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu implementa regra EE la justu

Governu implementa regra EE la justu

Bankada  CNRT iha Parlamentu Nasional nota momoos  Governu ida ne’e  falla implementa  régra Estadu Emerjénsia (EE), tanba Governu distribui sesta bázika ba komunidade sira laiha distansiamentu sosiál ka fíziku.

“Distribuisaun Sesta Bázika ema antri halo runggu-rangga, ohin ita bo’ot sira bele vizita bazár ne’e, situasaun sira ne’e hatudu saida, katak ita lá justu bainhira ita halo regra, ita husik hela Estadu Governu halo nia atividade bai-bain, ita sira seluk no Igreja ita dehan labele halo misa ita moris tenke tau sasán iha fatin, ema bele fiar ita, sé lae ita halo konfuzaun bo’ot regra  balun dehan bele, balun dehan labele ho nune’e halo ema konfuzaun ida ne’ebé mak los”,kestiona Xefe bankada CNRT Duarte Nunes ba Jornalista iha PN, Segunda (04/01/2021).

Xefe bankada CNRT ne’e esplika, ho implementasaun EE la signifika atu kansela programa Sesta Bázika, sé kansela direitu povu nian kanseladu, maibé tenke halo distansiamentu tuir regra husi EE.

“Tanba iha seguransa atu organiza iha ema barak, ha’u haree kona-ba sesta Bázika, Governu nia elementu sira  mós barak polisia mos iha, maibé la iha ema atu kontrola ita halo regra ba saida? halo ba ema balun de’it balun la’e? Ho nune’e bainhira Governu implementa regra tenke ema ruma kontrola sé ita inventa sasan dehan ema moras ne’e hanesan soe rai rahun ba ema, buat seluk la’o nafatin”,preokupa Duarte.

Iha fatin hanesan, Vise Xefe bankada FRETILIN, Antoninho Bianco, dehan, régra Estadu Emerjénsia ne’ebé labele halibur ema liu na’in 10, la’os ema mai husi família ida, ne’ebé Governu no Parlamentu deside  sira ne’ebé akompaña distribuisaun Sesta Bázika sira mós tenke fó informasaun ba komunidade sira.

Lee hotu :   Bankada KHUNTO lamenta ho deklarasaun Amu Domingos Maubere

“Hanesan imi jornalista, mai hosi fatin-fatin ida ne’e mak tenke kumpri regra, família uma laran bele nain 10-20 to’o 30  ne’e normal hanesan ita mai hosi foho hotu, maibé hanesan iha sidade iha servisu fatin  la’os  ema mai  família ida,  maibe balun mai hosi estranjeiru tenke aplika hanesan ema nain 10 mai hosi nasaun seluk tenke iha distansia sosial. Ha’u hanoin tenke hatete ba komunidade tanba lei sai tiha ona autoridade tenke fo sai uza maskara, maibé dala ruma maskara iha ou la’e merkadu ita bele dehan ema bele sosa uza mas ha’u fiar bele sosa suku rasik para bele dehan ohin uza aban fase tiha duke ita depende ba produsaun mai hosi liur tanba tenke kumpri hosi MS,” haktuir Bianco.

Antes ne’e, benefisiáriu suku Fatuhada konsidera medida obrigatóriu Estadu Emerjénsia ne’ebé aprova iha Konsellu Ministru hanesan retórika, tanba distribuisaun Sesta Bázika  ne’ebe kontinua la’o,  maske Governu hasai ona medida regorozu,  atu ema  labele halibur malu liu ema nain sanulu, maibé  benefisiáriu sira iha suku Fatuhada simu sesta bázika kontinua la kumpre regra Estadu Emerjénsia,  maibé  laiha kontrolu husi Governu.

Iha loron 30 fulan Dezembru  Konsellu Ministru aprova medidas ezekusaun renova Estadu Emerjénsia ne’e hosi dekretu Prezidente Repúblika  númeru (73/2020) atu hatán ba pandémia COVID-19.

Dekretu  Governu  refere, obriga ema hotu ne’ebé la sujeita ba rejimi izolamentu obrigatóriu tenke mantein distánsiamentu sosiál  bandu halo soru-mutuk ka halo manifestasaun bandu mós realiza kualker eventu ho karákter relijiozu  no bandu halibur ema liu na’in 10.

Fó sansaun ba MS

Xefe bankada CNRT, deputadu Duarte Nunes, husu atu fó sansaun rigorozu ba Ministériu Saúde (MS), tanba falla hala’o servisu nune’e foti sala ema ba sala izolamentu.

Lee hotu :   Governo propõe maior OGE de 2020 do que execução orçamental

Tuir deputadu CNRT katak, laiha lójika foti sala ema ne’ebé la moras ba kahur ho ema moras hodi hamosu konfuzaun iha públiku.

“Buat ema iha moras ou sintomas ka la’e ne’e mós so sira (Ministériu Saúde) de’it mak hatene, tanba sira ba halo teste no rejistu ema ne’e sira mak halo. Se ha’u bele dehan, ne’e matebian sira mak babeur ona,  tanba ita inventa sasán nonook de’it matebian sira la hatan. Situasaun ida ne’e hamosu dúvidas, tanba saída mak bele ba foti sala ema ne’e, ida ne’e la tama ita nia ulun, tanba ema naran bele hanesan maibé iha sínal ruma ne’ebé sempre diferente”,deklara Duarte Nunes, ba Jornalista iha Parlamentu Nasionál, Segunda (04/01/2021) relasiona informasaun ne’ebé dadaun ne’e virál iha públiku kona-ba foti sala ema ne’ebé la moras ba kahur iha sala izolamentu Vera Cruz foin lalais ne’e.

Deputadu CNRT ne’e hateten, kazu foti sala ema ne’e grave liu hosi aktu eis Vise Ministra saúde Elia nian ne’ebé fó sai sala dadus, hetan kedas demisaun hosi Primeiru Ministru.

“Kazu foti sala ema ne’ebé la moras kahur ho moras ne’e grave liu, kompara ho kazu ne’ebé eis vise ministra saúde Elia Amaral komete fó sai de’it dadus sala, maibé hetan ezonerasaun hosi Primeiru Ministru Taur Matan Ruak. Se ema halo sala mak ita la fó tindakan ba sira ne’e signifika katak ita konsiente ka ita mak haruka halo, hau nia lójika pensamentu ne’e hanesan ne’e”,dehan Duarte Nunes.

Alénde ne’e, deputadu bankada FRETILIN, Antonino Bianco mós sujere ba Ministériu Saúde atu bele servisu ho di’ak-liu, nune’e labele hamosu tan sala ne’ebé hanesan.

Lee hotu :   Tesi destinu destituisaun, PPN konsulta koligasaun AMP foun

“ Se erru ida ne’e hanesan ne’e, labele komete tan, ne’e ita detekta ona ne’e ita tenke buka halo di’ak liutan ba oin, ita tenke koidadu liutan, ida ne’ebé negativu ne’e negativu duni, no ida ne’ebé pozitivu ne’e pozitivu duni, tanba ita detekta ona ne’e, signfika problema bele rezolve, kuandu ita la detekta ne’e mak problema labele rezolve, tanba ne’e kuandu la halo sample ne’e tenke cross check didi’ak”,haktuir nia.

Kazu ministériu saúde foti sala ema la’os pozitivu iha kuarentena tasi-tolu ne’e akontese iha loron 2 fulan Janeiru tinan 2021 ne’e.

To’o loron 2 fulan Janeiru ne’e, nasaun viziñu Indonézia rejista ona kazu pozitivu COVID-19 7.203.

No dadus nível mundiál to’o loron haat fulan Janeiru tinan 2021, rejista pozitivu atinji to’o tokon 85.456.165. ety/Say

 

Add to Comments Here!!!!

error: Content is protected.
Secured By miniOrange
You might also like:
Fornese internet ilegál ba Governu, PNSIK taka kompañia UNITECH

Polísia Nasionál Servisu Investigasaun Kriminal (PNSIK)...

MEJD deside suspende atividade aprendizajen ba estudante sira

Ministériu Edukasaun Juventude no Desportu (MEJD),...

BCTL hein instrusaun husi MF transfere OJE 2021 ba Governu

Transferénsia Orsamentu Jeral Estadu (OJE), tinan...

Close