Governu sei loke fronteira ba Timor-oan 56 iha Atambua

Iha loron 20, fulan ne’e, Governu deside hodi loke fronteira atu lori fila estudante Timor-oan na’in 56 ne’ebé dau-dauk ne’e iha konsuladu Timor-Leste Atambua-Indonezia, tanba sai ameasa ba funsionáriu konsuladu no komunidade lokál.

Vise Ministru Interior (MI), António Armindo, hateten, Governu prontu fasilita sira fila mai Timor-Leste, maibé tenke kumpre regra protokolu saúde nian, nune’e labele lori risku ba ema seluk.

“Ita deside ona katak sira sei fila fali mai, ita sei loke fronteira úniku ba sira, tanba sira agora iha hela konsuladu, maibé tenke la’o tuir protokolu saúde nian, atu nune’e labele lori risku mai Timor-Leste, ita konkorda ona para dia 20 agora bele loke oras ida ou rua mai depois sira ba kuarentena, importante mak regra saúde públiku”, Vise MI hafoin halo enkontru ho Primeiru Ministru (PM) iha Palásiu Governu, Sesta (15-01-2021).

António esplika, durante ne’e liña ministeriál sira iha koordensaun di’ak hanesan Ministériu Negósiu Estranjeiru no Kooperasaun (MNEK) ho Ministériu Saúde (MS) sei buka solusaun hodi fasilita Timor-oan sira, tanba sira mós sidadaun Timor-Leste nian.

Antes ne’e, estudante sira ne’e promete bainhira Governu autoriza loke fronteira hodi sira bele tama mai rai-laran, sira sei kumpre regra husi MS hodi tama kuarentena durante loron 14. Ida

Leave a Reply

Your email address will not be published. Required fields are marked *