Governu sei uza FRK selu saláriu décimo terceiro FP

Ministru Finansas, Rui Gomes, hateten, Governu sei uza Fundu Rezerva Kontijénsia (FRK) hodi selu saláriu décimo terceiro funsionáriu públiku (FP) no ajente-sira administrasaun públika nian, ne’ebé to’o oras ne’e seidauk simu sira-nia direitu. 

Tuir Rui Gomes, Governu sei tenta hela atu selu saláriu Décimo Terceiro ba funsinário no ajente sira administrasaun públika sira ne’ebé to’o oras ne’e seidauk simu sira nia direitu ba vensimentu décimo terceiro.

“Instituisaun sira ne’ebé iha sira nia osan iha sira nia orsamentu, ida ne’e pagamentu ne’e halo ona. Instituisaun sira ne’ebé maka iha defice, ladun iha osan iha sira nia orsamentu, ida ne’e ami halo jestaun para foti husi fundu reserva kontijensia. Prosessu la’o hela, portantu bele atrassa semana  ida ka rua  hanesan ne’e, pagamantu sei la’o. Hau laiha ideia konaba Ministériu ida ne’ebé maka sei dauk simu, maibe konserteza ami sei selu hotu”, hateten Ministru Finansas, Rui Gomes, hafoin enkontru semanál ho Primeiru-Ministru Taur Matan Ruak tersa (05-01).

Iha loron 20 fulan novembru tinan kotuk Governo aprova ona projetu dekretu lei kona-ba pagamentu saláriu désimu terseiru ne’ebé aprezenta husi Ministra Finansas Interina Sara Lobo Brítes. Oct