Hein prosesu tenderizasaun, Governu estende kontratu MATO ho ETO

Governu estende tan kontratu ba kompania MATO ho Esperansa Timor Oan (ETO) hodi kontinua fornese kombustivel ba Sentrál Elétrika Hera to’o Comisão Nacional Aprovisionamento (CNA) finaliza prosesu retenderizasaun.

Konsellu Ministru aprova ona projetu deliberasaun ne’ebe aprezenta husi Ministru Finansas kona ba fornesimentu kombustivel Ba Sentrál Elétrika Hera ne’ebé determina hodi loke konkursu publiku internasional no aprovizionamentu tranzitóriu ho periodu másimu fulan ualu.

 “Iha desizaun ne’e KM halo desizaun ajusta direita ba estensaun fornsidor kombustivel atual ba periodu fulan walu nia laran hodi halo retendirizasaun ba konkurusu hirak ne’eb’e CNA halo ona, entaun sei iah fali retendirizasaun no espera iah fulan 8 nia laran CNA bele halo aprezenta hikas rezultadu tender nian,” dehan Ministro Prezidénsia Konsellu Ministru Fidelis Manuel Leite Magalhães hafoin remata enkontru Konsellu Ministru iha Palacio Governu, Kuarta (06-01-2021).

Alende ne’e konsellu ministru mós aprova Proposta ne’ebé aprezenta husi Ministru Obras Publika  hodi halo nomea Paulo da Silva ba Prezidente Konsellu Administrasaun Eletrisidade Timor-Leste no Carlos Peloi dos Reis nu’udar Prezidente Konsellu Administrasaun be’e Timor-Leste nian. “Governu fiar katak sira merese duni ba kargu ida ne’e,” tenik Fidelis,

Iha enkontru Konsellu Ministru ne’e diskute mos konaba politika lejislativa sira hanesan baze projetu konaba organika Autoridade Protesaun Sivil nian. Ida