JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu COVID-19 sa’e iha Indonézia, PN husu Governu reforsa seguransa iha fronteira

Kazu COVID-19 sa’e iha Indonézia, PN husu Governu reforsa seguransa iha fronteira

Haree ba númeru kazu pozitivu no mate, tanba COVID-19 ne’ebé sa’e maka’as iha nasaun viziñu Indonézia, deputadu sira iha Parlamentu Nasionál (PN) husu VIII Governu konstitusionál, atu tau atensaun hodi reforsa seguransa iha fronteira terrestre hanesan iha Bobonaro, Covalima no Oe-Cusse.

Nune’e bele prevene transmisaun COVID-19 mai Timor-Leste, liu-liu prevene movimentu ilegál iha fronteira.

“Hanoin ba oin ita tenke rigorozu duni kona-bá COVID ne’e iha fronteira, maibé Oe-cusse ne’e teritóriu ida ho Timor-Leste, ne’e duni ita tenke fasilita nafatin mai Díli, sé lae ita izola tan Oe-cusse ne’e, Governu tenke iha polítika di’ak ba Oe-cusse ho Atauro, maibé ita labele izola tiha sira. COVID ita la hatene para bainhira, maibé ita tenke halo jestaun ba prevensaun moras ida ne’e, sé ita la halo jestaun, ne’e sei sai problema fali ba ita-nia koneksaun sosiál no koezaun sosiál entre Timorense, ita tenke prevene nafatin moras ne’e, tanba ita-nia viziñu moras ne’e sa’e maka’as, maibé ita tenke esforsu atu justu ba ema hotu”, afirma deputadu bankada PD, Mariano Assanami Sabino iha plenária, Segunda (18/01/2021).

Nune’e mós, Xefe bankada KHUNTO, Olinda Guterres mós husu Governu haree nesesidade seguransa sira ne’ebé destaka iha fronteira, nune’e bele garante sustentabilidade ba família iha uma.

“Sé bele aumenta tan forsa F-FDTL ho PNTL, hodi asegura tan ita-nia fronteira ne’ebá, tanba haree ba ita ne’e la’ós, tanba haree ba ita ne’e besik liu, fronteira ita bele sura minutu hirak de’it ita bele tama ona iha ne’eba. Maibé PNTL ho F-FDTL atu servisu hanesan ne’e ho saláriu ne’ebé mak mínimu hanoin ne’e la’e, sira husik sira-nia fen ho oan iha fatin ida, hodi fó seguransa em jeral, tanba ne’e mak husu ba Governu aumenta sira-nia saláriu, perdiem ba sira, ami deputadu sira tur iha ne’e, atu ba fiskalizasaun perdiem iha, tanba sa mak polísia sira labele hetan, fen ho oan hela han saída? balun oan foin moris, halo patrullamentu 24 oras ba interese povu Timor-Leste tomak”, tenik Xefe bankada KHUNTO ne’e.

Iha loron 17, fulan Janeiru ne’e, nasaun viziñu Indonézia rejista ona kazu pozitivu ba COVID-19 hamutuk 908,929, inklui provínsia Nusa Tenggara Timur (NTT) ne’ebé besik Liu Timor, rejista ona kazu pozitivu 3,044 no mate 87.

Iha nível mundiál kuaze atinji ona tokon 95 liu, rekupera tokon 52.3 no hamate ona ema tokon 2 resin. say

Lee hotu :   Rogério Lobato: Criticas de Marí Alkatiri a Xanana Gusmão são “infundadas” e “injustas”

Add to Comments Here!!!!

error: Content is protected.
Secured By miniOrange
You might also like:
FRETILIN PLP no KHUNTO sei harmonia to’o 2023

Xefe bankada FRETILIN, Francisco Miranda Branco,...

Folin foos sa’e iha Viqueque, Lautem no Baucau

Governu liu husi Diresaun Nasionál Regulasaun...

Expedito-Benevides eleitu ba membru KI

Deputadu Parlamentu Nasionál (PN) liu hosi...

Close