JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La simu saláriu tinan rua, PN sei haruka karta ba kompañia

La simu saláriu tinan rua, PN sei haruka karta ba kompañia

Komisaun E iha Parlamentu Nasionál (PN) ne’ebé trata asuntu infraestrutura sei haruka karta ba kompañia Lorosa’e no Guardamor kona-bá traballadór 400 resin ne’ebé seidauk simu saláriu kuaze tinan rua (2) ona.

“Ha’u hanoin preokupasaun ne’e pertinente ba ita-nia traballadór sira ne’ebé servisu iha servisu iha estasaun eletrisidade sira, ohin sira mai iha komisaun E hodi hato’o nafatin sira-nia preokupasaun kona-bá sira-nia saláriu ne’ebé sira la simu durante fulan 21”, Vise Prezidente Komisaun E PN, Favião de Oliveira ba jornalista sira iha PN, Kuarta (20-01-2021).

Deputadu bankada FRETILIN ne’e akresenta, traballadór sira ne’e la’ós foin mak primeiru vez ami PN, maibé bei-beik ona no komisaun mós hala’o ona fiskalizasaun no hato’o ona rekomendasaun ba Ministériu Obras Públika (MOP).

“Ita haree relasaun umanu bainhira fulan 21 la simu saláriu ne’e difikulta ba sira-nia família, ami ohin buka meuis oinsa mak komisaun E atu halo karta ba kompañia rua hodi halo esplikasaun klaru kona-bá problema traballadór sira. Razaun saída mak traballadór sira seidauk simu saláriu, Governu selu ona kompañia rua mak seidauk selu saláriu ka oinsa”, tenik Favião.

Koordenadór seguransa óleo pezadu munisípiu Baucau, Cipriano Hornay Sarmento da Silva, realsa, sira-nia parte kontinua hato’o keixa ba PN, tanba seidauk simu saláriu kuaze tinan rua (2) ona.

“Ami kontinua hasoru komisaun E hodi ezije ami-nia direitu ne’ebé mak durante ne’e ami seidauk simu bainhira MOP la selu ami-nia kompañia, tanba ne’e ami-nia kompañia la selu ba ami. Tanba ne’e liu hosi komisaun E PN sai dalan oinsa bele resolve, nune’e Ministru MOP ho nia Diretór bele rezolve preokupasaun ne’ebé seidauk simu saláriu, maske durante ne’e hato’o ona karta ba ministériu kompotente sira atu rezolve problema refere, maibé to’o ohin loron seidauk iha solusaun, tanba ne’e liu hosi komisaun E PN bele hetan solusaun”, dehan Cipriano.

Antes ne’e, Ministru Obras Públika, Salvador Pires, hateten, kona-bá traballadór ne’ebé servisu iha kompañia Guarda Lorosa’e ne’e responsabilidade hosi kompañia nian, la’ós Governu. ety

Lee hotu :   PR PRONTU PARTISIPA REUNIAUN ASEMBLEIA JERAL ONU

Add to Comments Here!!!!

error: Content is protected.
Secured By miniOrange
You might also like:
Fretilin fiskaliza Sesta Bázika hodi taka falta

Deputada bankada CNRT, Maria Barreto Gorumali,...

Governu husu renova EE ba dala 10

Governu liu husi Konsellu Ministru (KM),...

Sidadaun Indonézia ida pozitivu COVID-19

Koordenadór Pilár VII Corona Virus Disease...

Close