Mantein opozisaun, PD sei kontinua apoia Governu

Prezidente Partidu Demokratiku (PD), Mariano Assanami Sabino, hatete, PD sei kontinua apoiu govenru no estadu liu husi mantein nia pozisaun nu’udar bankada opozisaun iha Parlamentu Nasional hodi bele asegura no garantia estabilidade ba rai ida ne’e.

“Ne’e iha kontestu tinan foun ho natal nia ami felizita ba Primeiru Ministru ba loron ida ne’e no kolia koanaba saida mak importante ba estadu iha tinan 2021 no ita hakarak buat ne’ebé liu ne’e husik liu ona, tau ita nia enerjia no forsa hamutuk oinsa bele nafatin asegura ita nia rai no fo garantia ba estabilidade ba ita nia povu no rai ne’e, ita hakarak hakotu impasse ita hakarak tau hamutuk forsa nafatin hasoru krize ne’eb’e iha ita nia oin no hakarak Timor-Leste ne’ebé diak liu,” dehan Mariano Assanami Sabino hafoin hasoru malu ho Primeiru Ministru iha Palacio Governu, Kuarta (06-01-2021).

Deputadu ne’e mos esplika, PD kaer nafatin prinsipiu ba Timor-Leste Maubere oan prontu serbi, tanba ne’e mak hatudu ona iha Parlamentu Nasional no iha situasuan ne’ebé difisil hanesan krizi global COVID-19 ne’ebé ho nia prinsipiu hamutuk hodi hasoru krize ne’e hakotu impasse politika no normaliza ekonomia.

Nia mos informa, dadaun n’e PD seidauk iah diskusaun ruma konaba remodelasaun ou issue sira ne’ebé hatete koanab PD nia involve ba VIII governu, maibé nafatin mantein iha tinan 2021 ho opozisaun.

“Ami la diskuti konaba ida ne’e maibe PD prontu atu fo apoiu, no iha situasuan difisil ne’e PD prontu hodi apoiu no PD hatudu ona iha Parlamentu Nasional no sei mantein iha 2021, ami hakarak rai ida ne’e sai povu nian no povu mak fo impresta durante tinan 5 tanba ne’e laiha razaun hodi hirus malu se’es malu ukun ne’e povu nian,” hakotu Nia. Ida