MKAE: Laiha lei suspende provizóriu distribuisaun sesta bázika

Ministru Koordenadór Asuntu Ekonómiku (MKAE), informa laiha lei  hodi suspende programa sesta bázika iha situasaun Estadu Emerejensia (EE), obrigatóriu.

Ministru koordenadór asuntu Ekonómiku (MKAE), Joaquim Amaral, hateten, laiha lei hodi hapara provizóriu programa sesta bázika, ne’ebé dadaun ne’e Governu halo, maske Timor-Leste iha hela Estadu Emerjensia (EE), obrigatóriu.

Maske nune’e, governante ne’e husu ba populasaun atu mantein kumpri regra obrigatóriu ne’ebé aprova ona iha Konsellu Ministru (KM).

“Lei la dehan suspende atividade ne’e, klaru lei mak dehan hala’o la’os ha’u mak dehan ita tenta maneza espasu ne’ebé lei fó para atividade ne’e la’o nasaun labele para ema para han semana ida bele ka la’e, ha’u hanoin ema para atividade seluk, mais ha’u hanoin ha’u hatene ema prejiso ai-han ita tenta loke espasu nafatin atu iha oportunidade atu bele simu ai-han”, dehan Joaquim Amaral, ba GMN, hafoin remata Reuniaun Konsellu Ministru iha Palásiu Governu, Kuarta (06/01).

Alende ne’e programa sesta bázika ba Rejiaun Administrativa Espesial Oe-Cusse Ambeno (RAEOA), governu sei lansa iha tempu badak, tanba 2021 timor-leste kontinua Estadu Emerjensia.

“Sesta Bázika sira sei halo preparativu atu halo serbisu maibé komunisira nia situasaun hanesan ne’e sira iha sira nia autonomia ita hein katak sei iha tempu fulan rua sira rejiaun ah’u hanoin la to’o 100 mil sir abele resolve, ami iha kalendariu komu iha 2021 tama kedas ho EE li-liu ba iha RAEOA ne’ebé restrisaun ne’e boot tebes ami tenke haree fila fali oinsa halo distribuisaun lansamnetu, ita sei haree situasaun hodi halo ajustamentu”,dehan.

Distribuisaun Sesta Bázika, governu sei iha fulan rua atu finaliza, programa refere, tanba ne’e governu kontinua la’o, maske konsellu ministru aprova ona regra estadu emerejnsia obrigatóriu, hodi uza maskra obrigatóriu fase liman bebeik ho sabaun, distansia sosial no fíziku no labele halibur ema liu nain sanulu. Ina