JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2021 promulgadu, Governu presiza rezolve ona problema infra-estrutura

OJE 2021 promulgadu, Governu presiza rezolve ona problema infra-estrutura

Parlamentu Nasionál (PN) husu ba Governu atu ho sériu rezolve problema infra-estrutura hanesan bee moos, eletrisidade no estrada ne’ebé to’o ohin loron komunidade sira balun sei kontinua enfrenta iha baze.

Deputadu José Pacheco, liu hosi plenária husu ba Governu atu aselera prosesu konstrusaun ba estrada Díli liga munisípiu Aileu, hosi dalan foun Manleuna no dalan tuan Balibar nian, nune’e labele difikulta populasaun nia viajen iha tempu udan, inklui bailoro.

“Estrada Manleuana liga Aileu iha air terjun nian ne’e udan semana ida tan liu la diak ona, estrada ida Manleuna ne’e estrada nasional, maibé ha’u hakarak ko’alia mak estrada tuan ida liu hosi Balibar ne’e, tanba ne’e mak kobre ba postu administrativu tolu iha Aileu, postu Remexio ne’ebé sai fatin istóriku mós ba FALINTIL sira, postu Lequidoe ho postu Laulara, tanba ne’e ha’u husu enkamina ba ministériu kompetente hodi aselera prosesu konstrusaun ne’e, nune’e povu Aileu bele hetan asesu ba estrada ho di’ak”, afirma deputadu FRETILIN ne’e iha PN, Segunda (11/01/2021).

Alénde ne’e, deputadu FRETILIN ne’e mós husu Governu atu konstroi ponte ba komunidade iha Maloa mota sorin, inklui kontrola estrada sira iha Díli laran.

“Mota ida Maloa ne’e tinan kotuk lori ona labarik ida, tuir loloos ita haree populasaun barak iha ne’eba ne’e, ita tau ona ponte ida para bele fó asesu netik ba populasaun sira ne’ebé hela iha mota sorin-sorin ne’e. Nune’e mós ponte oan ida iha Ailok-Laran dalan ba semináriu, iha mós semitériu ba padre no madre sira, kuandu udan tan, transporte ba Ailok-Laran la di’ak ona”, akresenta José.

Deputadu ne’e husu mós ba Governu atu rezolve bee nalihun iha estrada laran hanesan mota wainhira tempu udan.

“Loloos ne’e ita haree hanesan ne’e halo ponte-oan, duke uza de’it osan ka mákina halo normalizasaun kada tinan”, deputadu FRETILIN ne’e sujere.

Nune’e mós deputadu Dario Madeira, haktuir povu iha baze kontinua ezije eletrisidade, liu-liu iha fronteira sira, ne’ebé sai mós lalenok ba nasaun viziñu sira.

“Komunidade ezije nafatin ba iha eletrisidade ba suku sira ne’ebé mak to’o agora ahi seidauk tama, tanba sira povu husu nafatin atu tinan-tinan Governu labele tun iha komunidade nia leet promete-promete de’it, maibé to’o agora la hatudu indikasaun ruma, até ida ne’ebé riin iha tiha ona mós seidauk halo koneksaun, ida ne’e ministériu relevante tenke responde lalais”, haktuir deputadu bankada FRETILIN ne’e.

Iha okaziaun ne’e deputadu bankada CNRT, Leandro Lobato, lamenta iha suku balun veteranu sira impede prosesu instalasaun eletrisidade, tanba hadau malu projetu.

“Liña eletrifikasaun iha Suku sira la la’o, tanba veteranu sira mak hadau malu, kuaze tinan 3 ne’e buat hotu paradu, inklui projetu eletrisidade liu-liu iha suku balun hanesan parte Bazartete nian suku Fahilebu ne’e,  ita nia veteranu sira ne’ebé uluk hadau malu atu ka’er ahi ne’e, no fim sira tur hamutuk hodi hasai konsensu ida katak, ami la importa ona sé-sé de’it mak ka’er projetu, maibé importante mak ami bele asesu ahi hanesan mós suku sira seluk”, tenik nia.

Maske nune’e, PN aprova ona orsamentu ba tinan 2021 ho montante USD billiaun 1.895 ne’ebé promulga ona iha fulan Dezembru tinan 2020, maibé populasaun kontinua halerik ba estrada, eletrisidade no bee moos.

Iha teritóriu Timor laran tomak kuaze populasaun suku 77 mak seidauk konsege asesu ba liña eletrisidade. say

Lee hotu :   PD kontra Governu uza OJE selu projetu illegal 142

Add to Comments Here!!!!

error: Content is protected.
Secured By miniOrange
You might also like:
Sesta Bázika oportunidade ba agrikultór hasa’e produsaun

Prezidente Organizasaun Naun Governamentál (ONG) Tane...

TDD aplika medida aprezentasaun periódika ba arguidu husi kompañia UNITECH

Tribunál Distritál Díli (TDD) liu husi...

Defensória Públika Suai konsidera kapturasaun suspeitu NM ilegál

Defensória Públika Munisípiu Covalima, konsidera atuasaun...

Close