JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Os Verdes ho Fitun sei kompleta rekezitu iha tempu badak

Os Verdes ho Fitun sei kompleta rekezitu iha tempu badak

Hafoin simu notifikasaun iha inísiu fulan Janeiru, tinan 2021 ne’e, kandidatu partidu Os Verdes ho Fitun hahú halo preparasaun hodi konfirma no kompleta rekezitu hosi Tribunál, hodi sai hanesan partidu ne’ebé legál atu kompete iha eleisaun jerál no demokrátiku iha tinan 2023 mai.

Prezidente interinu partidu Fitun, Salvadór Tilman, hateten, Tribunál notifika Fitun, tanba eleitorál seidauk kompletu no falta dokumentu balun seidauk iha asinatura, tanba ne’e iha tempu badak Fitun sei kompleta hodi rejista hikas iha Tribunál.

“Ami hetan notifikasaun katak, partidu Fitun seidauk priense rekezitu, tanba iha buat balun mak presiza kompleta, tanba ne’e mak ho kontente nafatin, maske estrutura tomak halo esforsu, maibé agora ita tenke halo fali esforsu foun ida, hodi kompleta rekezitu sira ne’ebé mak tuir lei haruka, liu-liu kartaun eleitorál ne’ebé mak seidauk asina hotu, ami presiza halo kompletu ida ne’e, nune’e bele hatama fila-fali, kuandu hatama fali no hetan ona legalidade hosi Tribunál mak ita foin bele kontinua atividade partidu nian”, afirma Salvadór Tilman ba GMN iha sede provizóriu Comoro, Kuarta (13/01/2021).

Tuir notifikasaun ne’e katak, eleitorál 8.140 mak presiza halo kompleta tan, maibé la’ós kartaun eleitorál laiha, maibé tenke asina kada folla ka kada kartaun eleitorál.

“Momentu ne’e balun autentika de’it, depois seluk ne’e tau de’it karimbu, ne’e mak Tribunál la aseita, ho nune’e ami halo ona koordenasaun ho notariadu, sira kolabora ne’e duni fallansu sira ne’e ami sei hadi’ak, tanba ita hotu tenke tuir koridór lei ne’ebé mak vigora iha ita nia rain, sé la’e buat ruma sala hela mak ba legaliza de’it, signfika Tribunál mós kontribui ba violasaun sira ne’e”, Prezidente interinu partidu Fitun ne’e.

Alénde ne’e, Prezidente partidu Os Verdes, António da Cruz mós esklarese, notifikasaun ne’ebé simu bazeia ba realidade problema tékniku ka administrativu, liu-liu tanba sigla partidu seidauk iha, kopia dokumentu balun laloos, nune’e estrutura Os Verdes sei konfirma iha tempu badak.

“Foin dau-daun ami simu karta notifikasaun ida hosi Tribunál, karta notifikasaun ne’e indefere ami nia inskrisaun hosi Tribunál, ho razaun fundamentu 3, primeiru lista mínimu rekerente sira ou kartaun eleitorál ba munísipiu 4, Liquiça, Manufahi, Manatuto ho Oe-Cusse, kartaun sira ne’e la’ós la to’o, maibé dupla no balun foto kopia ladun moos. Segundu komprovasaun ka asinatura hosi apoiantes, tanba ne’e mak ami seidauk hetan legalizasaun ba ami nia apoiantes sira ne’e nia lista iha notariadu no kestaun ida ikus mak Tribunál husu ami atu aprezenta sigla partidu nian hanesan ami nia partidu Os Verdes de Timor, Tribunál hakarak oinsa habadak naran partidu nian ne’e, tanba ne’e mak ami sei muda uitoan sigla ne’e, hodi bele kumpre fali rekezitu sira ne’e”, tenik António da Cruz.

Kandidatu ba partidu hirak ne’e ba rejista iha fulan Novembru, tinan 2020 no hetan desizaun ka notifikasaun iha loron 6, fulan Janeiru, tinan 2021 ne’e. say

Lee hotu :   PR Lu Olo admite VIII Governu ukun to’o rohan

Add to Comments Here!!!!

error: Content is protected.
Secured By miniOrange
You might also like:
Kazál ida pozitivu COVID-19

Ministériu Saúde (MS) iha loron 13,...

ANATL ho SEPS dada sai ona aviaun Jet hosi pista

Ekipa hosi Autoridade Nasionál Aviasaun Timor-Leste...

Traballadór Seguransa Lorosa’e 468 tinan rua la simu saláriu

Kuaze tinan rua (2) nia-laran la...

Close