JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD-PLP lamenta Estadu TL kriminaliza empreza telekomunikasaun

PD-PLP lamenta Estadu TL kriminaliza empreza telekomunikasaun

Reprezentante povu iha uma fukun Parlamentu Nasionál (PN) preokupa ho Estadu Timor Leste (TL), liu-liu Ministériu Públiku (MP) ne’ebé kriminaliza empreza telekomunikasaun no empreza fornesedór rede internet balun, tanba deskonfia forñese internet ilegál.

Tuir deputadu bankada PD, Mariano Assanami Sabino, wainhira halo lei atu regula kompañia operadór telekomunikasaun no fornesimentu liña internet tenke regula ho di’ak, tanba empreza sira ne’e mós kontribui selu taxa no mós loke kampu servisu ba joven sira iha TL.

“Sé ita hakarak halo lei, tenke regula di-di’ak, lae ita prejudika fali ita-nia kompañia lokal sira ne’ebé ke fó traballu ba ema barak. Ita bele haree Edu Gatot ne’e fó servisu ba ema kuaze 3 mil ital, se nia iha problema mak la selu 3 mill e tall ne’e, Governu ne’e nia hanoin oinsa? Depois sira uja hela tore sira bobot ne’e halo konstrusaun Governu rasik asiste iha inaugurasaun no agora sira selu taxa, buat hotu-hotu loos hela, agora sira hanesan prejudikadu no ba oin haree ida ne’e para halo ida ne’ebé adekuadu diak para atu regula ida ne’e”, Deputadu PD ne’e iha PN, Tersa (12/01/2021).

Assanami esplika, tuir loloos labele kriminaliza uluk, empreza fornesedór internet, maibé tenke aplika uluk medida administrativu, tuir dekretu lei númeru 15/2012 nian.

“Ita nia enkuadramentu legál ejistente ne’e, liu-liu iha area telekomunikasaun ne’e todan liu ba medida administrativu uluk. Tanba saida? Tanba área telekomunikasaun hanesan agora dadauk ne’e, internet, telefone sira ne’e ita hakarak halibur reseita ba Estadu, ida ne’e mak boot liu ona. Kuandu akontese infrasaun ruma, medida própriu uluk tuir dekretu lei númeru 15/2012 ne’e atu implementa multa, kuandu multa la konsege muda situasaun mak ita ba fali prosesu kriminál”, hateten Deputadu PD ne’e.

Deputadu PLP, Abel Pires, akresenta, nia parte dúvida ho kazu fornesimentu internet ilegál ne’e, tanba empreza sira ne’e rejistadu hotu iha SERVE, maibé nafatin tama iha prosesu kriminál.

“Iha kompañia Timor-oan barak mak sira inisiál ona sira-nia lisensa, prosesu legál ne’e la’o tiha ona, agora la’ós sira-nia kulpa, kuandu lisensa ne’e seidauk sai, tanba la’ós sira mak hasa’i lisensa ba sira-nia-an. Só Estadu mak fó lisensa ba sira liu hosi ANC. Sé iha prosesu ida ne’e ita kriminaliza fali kompañia sira, tanba laiha lisensa ne’e ladun justu”, tenik deputadu ne’e.

Kazu fornesimentu internet, foin la-lais ne’e Polísia Nasionál Sientífika Investigasaun Kriminál (PNSIK) ezekuta mandadu buska no detensaun husi Tribunál Distritál Díli (TDD) no konsege detein ona arguidu na’in 10 no desizaun tribunál aplika ona medida koasaun prizaun preventiva no balun aplika TIR no aprezentasaun periódika.

Tanba deskonfia uja aparelu Microondas no Power Beam hodi simu liña internet husi nasaun seluk, fornese ba instituisaun Estadu sira ne’ebé fó prejuízu boot ba Estadu.

Arguidu sira ne’e husi kompañia Telemor, Elite Computer, R2M IT Solution, Globalnet, UNITECH no mós Prezidente ANC rasik. san

Lee hotu :   UE prontu apoiu TL kombate korupsaun

Add to Comments Here!!!!

error: Content is protected.
Secured By miniOrange
You might also like:
EUA sei apoiu USD tokon 275 finansia projetu rua iha TL

Diretór Ezekutivu Compact Develompment Team iha...

Vasina sei fó prioridade uluk ba liña frente

Timor-Leste (TL) sei utiliza vasina AstraZeneca...

PTR: Partidu foun rua la prienxe rekezitu, seluk sei verifika

Prezidente Tribunál Rekursu (PTR), Deolindo dos...

Close