JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Kuandu presiza sei halo remodelasaun Governu

PM Taur: Kuandu presiza sei halo remodelasaun Governu

Primeiru Ministru (PM), Taur Matan Ruak, hatete, kuandu nesesáriu sei halo remodelasaun ba Oitavu Governu Konstitusionál.

Xefe Governu hato’o kestaun ne’e hafoin hasoru malu ho Prezidente Repúblika (PR), Kinta (7/01), iha Palaçio Presidencial, Bairro Pite, Díli.

“Ami remodela hela, ha’u nia Vise PM foin dau-dauk mak mai, remodela hela, mais kuandu nesesáriu sei halo remodelasaun, pur enkuantu seidauk, remodelasaun boot ne’ebé halo mak reforsu ekipa servisu nian, kuaze priense governasaun tomak”, esplika Taur Matan Ruak.

Nia dehan tan wainhira halo remodelasaun mak nia sei fó sai ba públiku, maibé ba dau-daun ne’e nia seidauk halo remodelasaun.

“Ha’u sei informa, desizaun ne’e sé mak bele avansa, ne’e ha’u hanesan PM, kuandu ha’u dehan iha, iha, laiha, laiha, pur enkuantu ha’u dehan laiha”, afirma Taur Matan Ruak.

Antes ne’e, Xefe Ezekutivu ne’e halo ona remodelasaun ba esturutura Oitavu Governu ne’ebé viabiliza husi partidu FRETILIN, ne’ebé ohin loron iha membru Governu 43.

Sekretáriu Jerál PD, António da Conçeição “Kalohan” hasoru malu ho PR iha Tersa (5/01), hatete, PD atu hola parte iha remodelasaun Governu mai ne’e, nia nia laiha kbi’it atu ko’alia ida ne’e.

“Ami fó ona ami nia votu ba OJE ne’ebé hanesan ran ba nasaun nian, ami fó no afirma tiha ona,  ami afirma tiha ona ami nia pozisaun ba saída mak di’ak ba rai ida ne’e, ita boot sira labele antesipasaun remodelasaun, tanba ne’e kompeténsia PM nian”, tenik Kalohan.

Nune’e mós iha Kuarta (6/01) estrutura PD hasoru malu ho PM, Taur Matan Ruak iha Palaçio do Governo, hodi hato’o feliz natal no tinan foun ba Xefe Governu.

Prezidente PD, Mariano Assanami Sabino, hatete, PD sei kontinua apoiu Governu liu husi mantein pozisaun iha Parlamentu Nasionál (PN) hanesan bankada opozisaun.

Tuir nia, maske ho pozisaun nu’udár opozisaun la taka dalan ba PD fó apoiu Governu, tanba daU-dauk ne’e Estadu hasoru hela krize COVID-19, nune’e tenke iha kooperasaun di’ak atu bele asegura no garantia estabilidade ba rai ida ne’e.

 “Ne’e iha kontestu tinan foun ho natal nia, ami felisita ba PM ba loron ida ne’e no ko’alia kona-bá saída mak importante ba Estadu iha tinan 2021 no ita hakarak buat ne’ebé liu ne’e husik liu ona, tau ita-nia enerjia no forsa hamutuk oinsa bele nafatin asegura ita-nia rai no fó garantia estabilidade ba ita-nia povu no rai ne’e, ita hakarak hakotu impasse, ita hakarak tau hamutuk forsa nafatin hasoru krize ne’ebé iha ita-nia oin no hakarak Timor-Leste ne’ebé di’ak liu”, dehan Assanami.

Iha loron loron 5, fulan ne’e, ekipa PD mós halo ona vizita ba PR ho objetivu hato’o feliz natal no tinan foun nian ba Xefe Estadu.

Antes tama tinan foun 2021 mós, estrutura PD mos hasoru malu ona ho Sekretáriu Jerál partidu FRETILIN, Mari Alkatiri iha ninia rezidénsia, Farol-Díli. oly/ida

Lee hotu :   PPN husu komisaun A aselera relatóriu LAK

Add to Comments Here!!!!

error: Content is protected.
Secured By miniOrange
You might also like:
AIFAESA sei investiga benefisiáriu aprezenta produtu a’at ba PN

AIFAESA sei halo investiga ba autor...

Sistema halakon naran, benefisiáriu Fomento II seidauk simu sesta bázika

Naran lakon iha Sistema, komunidade balun...

PPN la presiza asina iha pedidu levantamentu OJE hosi BFA

Vise Prezidente Parlamentu Nasionál, Maria Angelina...

Close