JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN adia hikas eleisaun ba membru KI

PN adia hikas eleisaun ba membru KI

Parlamentu Nasionál (PN) kinta lejislatura adia tan ajenda eleisaun membru ba Konsellu Imprensa (KI), tanba kandidatu hosi área jurista nian laiha, maske nune’e antes ne’e, iha kandidatu jurista nain rua ne’ebé aprezenta hosi bankada FRETILIN, maibé retira hikas.

Prezidente Parlamentu Nasionál (PPN), Aniceto Guterres Lopes, husu bankada parlamentar hotu atu bele aprezenta kandidatura tuir lei haruka, nune’e bele realiza eleisaun iha Segunda semana oin (18/01/2021).

“Livre ba bankada hotu atu aprezenta nia kandidatura, maibé karik hakarak atu iha konsertasaun hodi aprezenta kandidatu ida de’it ka ou ida-ida aprezenta ne’e avontade. Tanba ne’e hanoin tenke adia duni ba semana oin, loloos ajenda ne’e kleur duni, tuir loloos antes debate OJE ne’e ita halo ona eleisaun, maibé mosu sirkunstánsia ida, asosiasaun jornalista sira nia eleisaun, depois grupu jornalista ida halo petisaun mai iha PN, tanba ne’e mak komisaun A trata asuntu ida ne’e, foin mak halo hotu pareser iha semana kotuk, iha pareser ne’e hateten katak atu halo eleisaun ida ne’e la presiza hein, tanba ne’e mak inklui iha ajenda ohin nian”, afirma PPN, Aniceto Guterres, iha plenária, Segunda (11/01/2021).

Maibe Aniceto, hateten, iha Segunda semana oin mai tenke halo duni eleisaun, fó tempu ba bankada Parlamentar atu aprezenta nia kandidatura jurista, kandidatu hosi área seluk hanesan jornalista mós sei bele aprezenta tan iha dentru prazu ida ne’e, maibé fó prioridade liu ba kandidatu jurista.

Alénde ne’e, PPN ne’e esklarese tan, kandidata hosi bankada UDT, Deonaia da Silva tenke elimina ka kansela, tanba la priense kritériu tuir lei haruka, tanba nu’udar funsionáriu públiku.

“Deonaia funsionáriu permanente iha SEKOMS ne’e la priense rekezitu tuir lei haruka, iha artigu 16, lei kona-bá estatutu KI haruka, tanba iha ne’ebá la permite funsionáriu permanente bele sai kandidatu ka atu eleitu ba membru KI, tanba ne’e mak meza deside atu elimina kandidata ida ne’e”, esplika Aniceto Guterres.

Ho nune’e, Xefe bankada FRETILIN, deputadu Francisco Miranda Branco, justifika, FRETILIN retira nia kandidatura, nu’udar lapsu ida, nune’e bele haree iha ba plenária semana oin.

“Ami nia bankada ohin reuni no deside retira ami nia kandidatura ba membru KI, no ami komunika ona ba ami nia kandidata Maria Bere no ami husu deskulpa, tanba desizaun bankada nia atu retira nia hosi kandidatura ba KI ne’e”, haktuir deputadu Branco.

Deputadu bankada CNRT, Adérito Hugo subliña, jornalista ho órgaun komunikasaun sosial sira halo ona nia parte hodi hili ona nia reprezentante, tanba PN presiza aselera prosesu refere.

“Husu deputadu sira tau atensaun ba ajenda ida ne’e, tanba ajenda dala hira tiha ona, reprezentante hosi órgaun seluk ninian eleje hotu ona, konferénsia nasional deside ona sira nia kandidatura, maske eleisaun ida mosu deskontestamentu, maibé hotu ona, falta mak PN de’it ona”, afirma nia.

Deputadu Hugo hatutan, lei hateten momos hosi PN ida tenke jurista, tanba ne’e bankada sira tenke haree di-di’ak mak aprezenta, nune’e labele adia bei-beik hodi prejudika KI nia servisu.

Kandidatura na’in 5 ne’ebé aprezenta ona mak hanesan, Expedito Diaz Ximenes, Jordão Henrique, Deonaia da Silva, Paulo Alves no Maria Bere, maibé kandidatu seluk hanesan Deonaia da Silva elimina hosi kandidatura, Paulo Alves no Maria Bere retiradu. Say

Lee hotu :   Governu rekoñese fraku ezekuta OJE 2019 iha kapital dezenvolvimentu

Add to Comments Here!!!!

error: Content is protected.
Secured By miniOrange
You might also like:
CAC investiga kazu ho natureza korupsaun hamutuk 73

Iha inísiu tinan 2020 Comissão Anti...

PNSIK detein tan Diretór Liran TECK

Polísia Nasionál Servisu Investigasaun Kriminal (PNSIK) ...

OJE 2021 promulgadu, Governu presiza rezolve ona problema infra-estrutura

Parlamentu Nasionál (PN) husu ba Governu...

Close