GMN TV Politika PN aprova proposta rezolusaun ESAE

PN aprova proposta rezolusaun ESAE

Parlamentu Nasionál (PN) liu hosi Komisaun A Parlamentu Nasionál ne’ebé trata asuntu justisa no konstitusionál aprova ona pareser ba proposta rezolusaun kona-bá Ezekusaun Sentensa Arbitrál Estranjeira (ESAE), nune’e bele kontinua diskute iha plenária.

Prezidente Komisaun A PN, Joaquim dos Santos, informa, proposta rezolusaun kona-bá rekoñesimentu no ESAE ne’e importante ba Timor-Leste, tanba bele ajuda sistema judisiáriu, hodi rezolve disputa komersiál nasionál no internasionál.

“Iha semana kotuk, komisaun A halo pareser haruka ba plenária aprova iha jeneralidade proposta lei 3, ida kona-bá rejime jurídiku ba arbitrajen voluntáriu, ne’ebé ho intensaun atu altera ba kódigu prosesu sivíl, artigu balun, nia husu autorizasaun lejislativa kona-bá atu altera artigu iha kódigu sivíl ne’e 385 ho 388, ne’ebé iha hanoin atu iha sentru ba arbitrajen iha Timor, atu apoia sistema judisiáriu iha Timor, relasiona ho disputa komersiál nasionáis no internasionál. Ne’e proposta de lei no lei de autorizasaun iha rua, ida kona-bá bazes jerais ba organizasaun administrasaun públika, komisaun haree hotu ona no aprova haruka ba PN atu konsidera pedidu hosi Governu nian, atu bele autoriza Governu hodi halo lejislasaun ida ne’e, tanba intermus de susbtánsia, materiál ne’e Governu iha liu kompeténsia para atu ejíze ida ne’e,  komisaun A mós haree katak laiha problema ho ida ne’e, PN bele autoriza, para atu hadi’ak situasaun ruma iha ita-nia administrasaun públika”, Joaquim dos Santos ba jornalista sira iha PN, Sesta (22/01/2021).

Nia esplika, autorizasaun ida seluk ne’e kona-bá rejime de arbitrajen voluntária ne’e mós hanesan ho intensaun Governu atu altera artigu rua hosi kódigu sivíl.

Deputadu opozisaun ne’e, sujere atu labele tarde liu ajenda proposta rezolusaun ne’e ba plenária, tanba proposta rekoñesimentu no ESAE ne’e importante mós ba Timor-Leste.

“Ami hanoin sé tau iha ajenda ba semana oin di’ak liu tan, tanba ami haree ida ne’e importante, tanba bele ajuda Governu rezolve ita-nia problema balun, liu-liu relasiona ho disputa komersiais, tanba problema ne’e agora barak”, haktuir deputadu Joaquim.

Proposta rezolusaun ne’e aprezenta hosi Ministériu Negósiu Estranjeiru no Kooperasaun, no komisaun Justisa no Konstitusionál halo aprovasaun ba pareser iha loron 21, fulan Janeiru ne’e.

Konvensaun rekoñesimentu no ESAE ne’e selebra iha Nova Iorque, iha loron 10,  fulan Juñu, tinan 1985. say


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker