JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu kontrola kompañia fahe sasan fuhuk ba povu

PN ezije Governu kontrola kompañia fahe sasan fuhuk ba povu

Deputadu sira iha Parlamentu Nasionál (PN) ezije ba Governu atu kontrola másimu ba kompañia hirak ne’ebé hetan konfiansa atu distribui ai-han sesta bázika ba povu, tanba realidade iha terrenu hatudu povu barak kestiona kona-ba kualidade ai-han sesta bázika ne’ebé fuhuk no ular ona.

Deputadu bankada KHUNTO, António Verdial, hateten, povu mak nai’n ba osan Estadu, la merese atu hetan ai-han ne’ebé aat, tanba ne’e  Governu presiza tau atensaun ho sériu.

“Ai-han hirak ne’ebé fahe haree katak balun laiha kualidade ona, buat hirak ne’e ha’u observa rasik iha terrenu, no populasaun balun hakbesik mai no hateten katak ami povu mós iha dignidade,  governu labele fahe fali ai-han kadarluarsa mai ami”, Deputadu  António Verdial, deklara asuntu ne’e liu hosi deklarasaun polítika, iha plenária, Tersa (05/01/2021).

Deputadu ne’e haktuir, komunidade sira mós kestiona maka’as hahán ne’ebé la saudavel fahe fó ba sira.

“Keta atu oho ami neneik mak hanesan ne’e karik, tanba ne’e mak fahe ai-han ne’ebé la merese, hodi estraga ami nia saúde”,haktuir António Verdial.

Iha okaziaun ne’e nia parte husu ba Governu atu hadi’a servisu nune’e bele serví povu ho diak liu tan, tanba ne’e karakter polítika labele domina iha sistema burokrasia nia laran.

“Hanesan reprezentante povu, fó ami nia sujestaun ka solusaun mak governu tenke halo regras ka dekretu lei, mínimu diploma ministeríal konjuntu ka ida-idak, ho objetivu kesi metin polítika rekuperasaun ekonómika nune’e ema hotu bele banati tuir”,tenik nia.

Nune’e nia parte husu atu Governu tenke akompañia uluk ho sustentabilidade iha parte administrativa no parte operasional.

“Governu tenke kontrola ho rigor ba kompañia sira ne’ebé governu fó fiar. No husu mós kontribuisaun PDHJ no KAK hodi servisu maka’as liutan”,haktuir nia.

Lee hotu :   Líder rezistensia 75 husu Alkatiri klarifika kazu Skylight, Ró Haksolok no subornu

Alénde ne’e, deputada bankada CNRT, Virgínia Ana Belo mós reforsa, atu governu halo kontrolu ho máximu, tanba povu la’os animal atu konsumu ai-han fohuk ne’ebé laiha kualidade.

“Durante ne’e ami kestiona, ita hotu-hotu inklui populasaun kestiona distribuisaun sesta bázika, tanba la ba ajuda sira, talves bele ajuda sira tanba ita ba ajuda buat ruma ba sira, maibé kualidade hosi distribuisaun ai-han barak mak la priense nia kritérius, ne’ebé atu fó di’ak ba saúde rasik, ida ne’e governu tenke toma atensaun labele sakrifika ita nia povu, la’os sira mak husu hahán ba ita, populasaun sira la husu hahán ba ita, tanba ne’e ita tenke fó hahán ne’ebé saúdavel, nune’e bele ajuda povu”.haktuir deputada Ana Belo.

Hatán ba preokupasaun ne’e, Ministru Asuntu Parlamentar no Komunikasaun sosial, Francisco Jerónimo afirma, iha prosesu distribuisaun, sempre akompañia hosi KAK no AIFAESA, tanba ne’e kompañia ida-idak sei responsbailiza nia aktu bainhira kométe erru ka violasaun ba konfiansa governu nian.

“Problema sira ne’e governu hola kedas medidas, no bolu kedas ona emprezáriu sira, no fó kedas ona atensaun ba sira, atu nune’e bainhira hala’o fali sira nia knár, hanesan sira empreza mak fahe hahán, sira tenke hala’o buat ne’ebé ho didi’ak, no hadi’ak sistema”.

“Sesta bázika ne’e la’os governu mak fahe, ida ne’e empreza mak fahe, maibé governu akompañia ho parte hotu-hotu, PDHJ, KAK no entidades hotu-hotu no NGO sira mós akompañia, karik buat balun falla sira sei hadia kedas”,esplika Francisco jerónimo.

Ba implementasaun programa sesta bázika ne’e, governu aloka osan tokon hitu-nulu resin ida, no implementa ona iha munisípiu, Kovalima,  Lautem, Bobonaro, Díli no Likisa. Say

Add to Comments Here!!!!

error: Content is protected.
Secured By miniOrange
You might also like:
Semana ne’e, MSSI halo pagamentu ba reklamante subsídiu familiár 12.597

Governu liu husi Ministériu Solidareidade Sosial...

Membru PNTL tiru kanek abitante ida iha Tasitolu detein ona iha sela

Membru   Polísia Nasionál Timor-Leste (PNTL)...

Pasiente COVID-19 la kumpri regra, MS prontu fó sansaun

Ministériu Saúde sei fó sansaun relasiona...

Close