JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: Hapara kompañia distribui ai-han dodok ba povu

PN: Hapara kompañia distribui ai-han dodok ba povu

Deputada bankada KHUNTO, Olinda Guterres, husu ba Oitavu Governu Konstitusionál, atu foti desizaun hodi hapara kontratu ho kompañia ne’ebé distribui ai-han sesta bázika laiha kualidade ka aat ba populasaun sira.

Xefe bankada KHUNTO ne’e konsidera, kompañia ne’ebé la kumpre regra hodi kontinua fornese ai-han aat, tanba hanesan viola konfiansa Governu nian.

“Kompañia ne’ebé hetan fiar, maibé hakarak hafoer de’it Governu nia naran, di’ak liu hasees tiha. Ai-han laiha kualidade ne’e la’ós Governu mak ba fahe, maibé ne’e kompañia ida manan tender ka hetan fiar ne’e mak fahe. Kompañia ne’ebé mak la obedese desizaun ka regra tenta hamonu ka hamoe Governu, ne’e di’ak liu tau sees tiha hatama fali ema seluk, sé mak hakarak servisu tenke ho di’ak”, Olinda Guterres ba GMN foin la-lais ne’e.

Deputada KHUNTO ne’e haktuir, loron hirak ne’e nia parte simu kontaktu husi komunidade balun ne’ebé lamenta ho ai-han sesta bázika.

Nune’e mós deputada bankada Frente Mudansa, Isabel Ximenes, sujere atu Governu liu husi kompañia sira ne’ebé hetan fiar, buka maneira foun hodi troka ai-han sira ne’ebé iha nia validade ka data limite ho hahan seluk, nune’e labele mosu bei-beik.

“Distribuisaun ne’ebé mosu problema bei-beik, liu-liu kona-bá ai-han ne’ebé fuhuk, liu-liu hanesan manu-tolun ne’e kestaun ida ne’ebé mak esensiál teb-tebes, kuandu nia aat ona ne’e, ita han la ajuda alimenta ita, maibé bele fó fali moras ba ita rasik. Tanba ne’e husu ba Ministru kompetente, sé bele koordena ho empreza ne’ebé mak halo distribuisaun, karik prazu sira ne’ebé mak tenke iha ninia validade,  ne’e mak to’o ona atu labele halo distribuisaun”,.

“Koko to’ok uza maneira seluk, buka fali sasán seluk, para bele troka ba alimentu ida ne’e, labele obriga fahe nafatin alimentu ida ne’e, depois obriga komunidade sira atu konsumu hahan ne’ebé nia prazu liu ona ne’e, tanba ne’e husu Governu tenke tau atensaun ba kestaun ida ne’e”, relasa Isabel.

Antes ne’e, benefiasiáriu sesta bázika keixa ona kestaun kona-bá ai-han dodok no dois iha Parlamentu Nasionál (PN).

Durante distribuisaun sasán sesta bázika, akontese ona krítiku barak husi populasaun, liu-liu kona-bá presu hosi sasán ne’ebé distribui laiha balansu ho promesa Governu nian, inklui kona-bá kualidade ai-han ne’ebé fornese ba populasaun.

Maske nune’e, Oitavu Governu Konstitusionál aloka osan USD tokon 71, hodi finansia ka implementa programa sesta bázika. say

Lee hotu :   CNRT apoia Cedelizia lori PPN ba tribunál

Add to Comments Here!!!!

error: Content is protected.
Secured By miniOrange
You might also like:
Família Francisco Xavier husu MP prosesa autór tesi bandeira RDTL

Loron 9, fulan ne’e, família boot...

Juñu hahú vasina, pozitivu COVID-19 iha TL 10 rekuperadu, ualu baixa hela

Kazu pozitivu COVID-19 iha Timor- Leste...

Semana oin PN halo eleisaun ba reprezentante KI

Porta voz Parlamentu Nasionál (PN), deputada...

Close