JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: PNSIK komete fallansu boot

PN: PNSIK komete fallansu boot

Hafoin halo identifikasaun, Polísia la hetan substánsia proibidu (droga-red), iha estátua Nossa Senhora Assunção nia laran. Parlamentu Nasionál (PN) konsidera, Polísia halo ona fallansu boot.

“Bom. Kuandu ita deskonfia buat ruma, ita presiza halo peskiza i halo prova. Mais, kuandu to’o iha konseitu deskonfiansa ne’e, presiza iha indikasaun. Indikasaun ne’ebé lori ita atu ba halo peskiza, prova verasidade no indikasaun ne’e tenke verídiku. Labele falsu. Kuandu akontese indikasaun falsu, siginifika ita-nia sistema servisu seguransa seidauk la’o ho di’ak no bele fó prejuízu ba ita-nia Estadu. Governu tenke kapasita ita-nia pesoál sira, para labele halo fallansu ida hanesan ne’e,” hatete Prezidente Komisaun A (trata asuntu konstituisaun no justisa), Joaquim dos Santos, iha PN, Sesta (22/01/2021).

Reprezentante povu ne’e, konsidera lisaun ida ba Estadu atu tau atensaun sériu, liu-liu fó kapasitasaun ba servisu Investigasaun Kriminál, nune’e labele komete tan erru hanesan iha futuru.

Xefe bankada partidu UDT, Francisco Davíd Carlos, dehan, polísia nia papél importante mak halo investigasaun ba kualker objetu ne’ebé deskonfia nu’udár substánsia proibidu, maibé atuasaun PNSIK nian ne’e hanesan asaun normál.

“Possível katak, sira halo buat sira tuir kna’ar polísia nian, talves buat sira ne’e sira mós iha formasaun ruma, bazeia ba sira-nia formasaun no koñesimentu mak sira halo buat sira ne’e ba estátua sira ne’e. Ida ne’e mós ita labele dehan sira profisionál”, tenik Xefe bankada partidu UDT ne’e.

Estatua ne’e rasik, iha Kinta, loron 21, fulan Janeiru ne’e, Servisu Investigasaun Kriminál Nasionál ko’a estátua Nossa Senhora Assunção nia ain okos ne’ebé asiste direta husi Komandante Jerál PNTL, Komisáriu Faustino da Costa, Polísia Militár, Servisu Nasionál Intelijénsia, Alfándega no Madre Konventu Kasih Mulia-ADM Lospalos, maibé PNSIK la hetan substánsia proibidu hanesan droga, tuir parte servisu intelijénsia deskonfia.

Rezultadu identifikasaun no ezame ne’ebé ekipa PNSIK halo, hetan mak rai-mean ne’ebé falun ho plástiku iha parte ain husi estatua refere. Fontes informasaun balun hatete, rai-mean ne’e hodi halo todan estatua, nune’e la fásil monu. san

Lee hotu :   CNRT husu Timor GAP klarifika reestrurasaun tendénsia partidária

Add to Comments Here!!!!

error: Content is protected.
Secured By miniOrange
You might also like:
Deskonfia fa’an rai Estadu, arguidu sira submete ba PI

Arguidu sira ho inisiál RM, JTS,...

CNRT: Aumenta PNTL & F-FDTL iha fronteira

Reprezentante povu iha uma fukun Parlamentu...

MF-RAEOA asina protokolu transferénsia osan

Ministériu Finansa (MF) hamutuk ho autoridade...

Close