JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN sujere Governu define tipu vasina COVID-19

PN sujere Governu define tipu vasina COVID-19

Reprezentante povu iha uma fukun Parlamentu Nasionál (PN) sujere ba Governu atu define tipu vasinasaun ba komunidade hodi prevene COVID-19, nune’e povu sira labele pániku.

“Ba ha’u prioridade ita tenke hahú ona vasinasaun, tanba ida ne’e atu prevene moras ne’e tama no hada’et iha ita-nia isin, loro-loron teste ne’e ita bele halo, maibé ho ita-nia kazu agora ne’e seidauk iha transmisaun lokál maka’as iha ita-nia rai. Tipu vasina COVID-19 ne’e iha oi-oin, tanba ne’e   Timor-Leste atu hili vasina ida ne’ebé, nune’e labele halo komunidade sira pániku, tanba ne’e membru Governu sira tenke diskute di-di’ak“, Deputadu bankada PD, Adriano do Nascimento liu hosi ninia intervensaun iha plenária, Kuarta (27-01-2021).

Xefe bankada Frente Mudansa, Isabel Ximenes, reforsa Governu tenke fó informasaun ne’ebé klaru kona-bá mekanizmu atu halo vasinasaun iha Timor-Leste.

“Screening Test la halo, tanba ita atu tama ona ba preparasaun vasinasaun ne’e, tanba ne’e fó to’ok informasaun klaru mai ami tipu vasina saida mak ita atu simu, kalendáriu vasina iha ona ka la’e, mekanizmu transporta vasina mai ne’e oinsa“, tenik Isabel.

Ministra Saúde, Odete Freitas Belo, klarifika, Timor-Leste hili vasina ho naran AstraZeneca, tanba bele ajusta ho kondisaun iha Timor-Leste, maibé Governu presiza iha planu no tenke iha kustu operasionál.

“Provizoriamente ami ho Organizasuan Mundiál Saúde (OMS) ko’alia katak, vasina ne’ebé mak bele ajusta ho ita-nia kondisaun vasina AstraZeneca hosi Oxford-Inglatera, maske iha mós vasina seluk, maibé vasina AstraZeneca OMS prepara ona ninia sertifikasaun ho progresu ne’ebé lais tebes“, tenik Governante ne’e.

Timor-Leste sei utiliza vasina AstraZeneca, ho temperatura 2 to’o 8 Grau Celsius vasina refere sei prioridade liu ba ema hirak ne’ebé iha liña frente, liu-liu profisionál saúde, PNTL, F-FDTL, inklui jornalista sira.

Entretantu kona-bá kustu ba kompra vasina ne’e rasik Governu hetan apoiu orsamentu husi Governu Austrália, liu hosi Global Alliance Vaccine & Immunization International (GAVI). ety

Lee hotu :   Mari Alkatiri: FRETILIN sei hasa’e osan idozu sira

Add to Comments Here!!!!

error: Content is protected.
Secured By miniOrange
You might also like:
CNRT-FRETILIN husu Governu hapara partidariza funsaun públika

Prezidente komisaun A Parlamentu Nasionál (PN),...

Sidadaun JA tama ilegál mai Timor-Leste

Suspeita ho inisiál JA tinan 35...

EE dasanulu aprovadu, PN: Governu apoia seguransa

Parlamentu Nasionál (PN) aprova no autoriza...

Close