JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN la presiza asina iha pedidu levantamentu OJE hosi BFA

PPN la presiza asina iha pedidu levantamentu OJE hosi BFA

Vise Prezidente Parlamentu Nasionál, Maria Angelina Sarmento esplika,  bainhira Orsamentu aprovadu iha Parlamentu  no promulgadu hosi xefe estadu, seila presiza iha tan asinatura hosi Prezidente Parlamentu, maibe, ne’e kompeténsia governu ho banku sentral hodi prosesa.

Angelina subliña, Prezidente Parlamentu atul, Aniceto Guterres Lopes la presiza simu tomada de posse, tanba deputadu hotu halo ona juramentu ba Konstituisaun, iha inisiu mandate no antes halo eleisaun ba meza,

tanba ne’e, deputada PLP ne’e konsidera laiha implikasaun ba prosesu orsamental.

“ Babain govenru mak elabora proposta, lori mai PN mak halo debate no aprova OJE, depois PN haruka ba PR iha prazu 30 dias hodi halo promulgasaun ba OJE, hafoin promulga publika iha jornal da repúblika,

Kuandu OJE publika ona iha Jornal da Repúblika, singifika OJE tama iha vigor ona,  no estadu tomak nia ezekusaun OJE la’o tuir regras OJE ne’ebé PN aprova, kona-bá tranferensia BCTL mak iha kompeténsia. ”esplika Maria Angelina ba GMN, Kuarta(06/01/2021)

Alénde ne’e, eis Prezidente Parlamentu Nasionál, Adérito Hugo hateten, pozisaun Prezidente Parlamentu, laiha implikasaun ba prosesu levantamentu osan hosi fundu petroliferu no prosesu tranferénsia osan hosi Banku Federal Amérika (BFA).

Deputadu CNRT ne’e haktuir, iha prosesu levantamentu, la presiza asinatura hosi Prezidente Parlamentu, automatikamente OJE halo transferénsia hosi BFA, bainhira promulga no publika iha jornal da repúblika.

“ Lae, mekanizmu ida ne’e laiha, iha de’it mak mekanizmu ministériu finansa, hanesan ministériu ne’ebé tutela ba finansas estadu nian, kuandu haree katak presiza montante x, hodi halo despeza ba fulan hirak ninian, entaun ministru finansas halo pedidu ba Banku Sentral Timor-Leste, depois BCTL mak korresponden ho Banku Federal hodi halo transferénsia.

Lee hotu :   ParPol lahetan asentu PN alerta ba PR hasai kamiza FRETILIN disolve PN dekreta EA

Laiha ligasaun ho ida ne’e, (Pozisaun PPN atual), em prinsípiu mak dokumentu ida ne’e PN aprova no PR promulga ona ne’e ezekutivu nia kompeténsia ona, tanba pedidu ba BFA ne’e la’os PN ka PR nia kompeténsia,  maibe BCTL mak iha autoridade hodi halo transferénsia.

Laiha rekezitus seluk, Prezidente babain ne’e laiha tomada de posse ida, se eleitu nia halo de’it diskursu badak ona ida, rekezitus mak ne’e ona, tanba mandatu ida bele iha Prezidente PN rua ka tolu, depende ba konjuntura polítika ne’ebé iha,”

Proposta Orsamentu Jerál Estadu ba tinan 2021 Ho montante billaun $1.895 ne’e, Parlamentu Nasionál aprova iha loron 12 fulan Dezembru tinan 2020, no promulga iha loron 29 fulan Dezembru tinan 2020.Say

 

Add to Comments Here!!!!

error: Content is protected.
Secured By miniOrange
You might also like:
Mantein opozisaun, PD sei kontinua apoia Governu

Prezidente Partidu Demokratiku (PD), Mariano Assanami...

F-FDTL sei rekruta membru foun 600 iha Marsu 2021

Xefe Estadu Maiór Jenerál F-FDTL, Majór...

Hein prosesu tenderizasaun, Governu estende kontratu MATO ho ETO

Governu estende tan kontratu ba kompania...

Close