JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR dekreta EE ba dasanulu ho durasaun fulan ida

PR dekreta EE ba dasanulu ho durasaun fulan ida

Prezidente Repúblika (PR), Francisco Guterres Lú Olo, dekreta tan Estadu Emejensia (EE) ba dasanulu. Estensaun EE ne’e ho durasaun loron 30, hahú husi loron 2, fulan Fevereiru to’o loron 3 fulan Marsu, tinan 2021.

“PR, Francisco Guterres Lú Olo, dekreta EE dasanulu ba loron 30, hahú husi tuku 00.00 iha loron 2, fulan Fevereiru, tinan 2021 (Tersa Feira) no termina iha tuku 23.59 iha loron 3, fulan Marsu, tinan 2021 (Kuarta Feira), estensaun no deklarasaun ba EE mai ho fundamentu iha subsisténsia ba situasaun kalamidade públika”, dehan Xefe Estadu liu husi komunikadu imprensa ne’ebé GMN asesa husi Mídia Palásiu Prezidensiál, Kinta (28/01/2021).

Haktuir komunikadu, PR dekreta EE hafoin pedidu estensaun aprova iha Parlamentu Nasionál (PN). Pedidu Governu ba estensaun EE, tanba haree ba evolusaun preokupante ba situasaun epidemiolójika no proliferasaun kazu rejistadu ho SARS-CoV-2 ne’ebé aumenta iha nível rejionál no nível mundiál.

Tuir Organizasaun Mundiál Saúde (OMS), iha loron 26, fulan Janeiru, tinan 2021 rejista kazu konfirmadu liu 100.250.000 (millaun atus ida, rihun rua nulu resin lima-nulu) no liu 2.100.000 (millaun rua rihun atus ida) mak mate.

“Iha Repúblika Indonézia, ita-nia viziñu, rejista kazu konfirmadu liu milloens ida ho infesoins husi SARS-CoV-2 no liu 28.000 mak mate, tanba COVID-19. Iha provínsia Nusa Tenggara Timur (NTT) kazu infesaun konfirmadu liu 4000 no hamate ona ema na’in 110”.

Deklarasaun EE sei abranje teritóriu nasionál tomak. EE sei parsialmente suspende direitu ba sirkulasaun internasionál, liberdade sirkulasaun no fixasaun rezidénsia ba kualker pontu iha teritóriu nasionál, direitu reuniaun no manifestasoins, liberdade ba kultu no direitu propriedade no inisiativa ekonómika privada.

Autoridade públika kompetente sei impoin restrisoins nesesária ba redusaun risku hada’et nian no ezekuta medida  prevensaun no kombate pandemia, hanesan distansiamentu sosiál, kuarentena ba suspeitu infesaun, izolamente ba moras no suspeitu, konfinamentu domisiliáriu, uzu obrigatóriu máskara, fase-liman no distánsia fízika.

Tanba dezde fulan Marsu, hafoin rejista kazu konfirmadu ida ho SARS CoV-2 Timor-Leste implementa kedas EE atu fó kbi’it ba Governu hodi foti medida prevensaun no kontrolu hodi hasees sidadaun hotu-hotu husi kalamidade públika ne’ebé bele mosu husi moras COVID-19.

No, Ohin loron Timor-Leste rejista kazu pozitivu hamutuk na’in 18. Dezde fulan Marsu, tinan 2020 to’o ohin loron kazu konfirmadu ho SARS-CoV-2 hamutuk na’in 68, rekuperadu na’in 50 no laiha ema ida mak mate. oly

Lee hotu :   FRETILIN KONVIDA PARTIDU HOTU SERVISU HAMUTUK

Add to Comments Here!!!!

error: Content is protected.
Secured By miniOrange
You might also like:
Espoza Guntur: Tau matan netik ba ha’u-nia oan sira

Saudozu Deputadu Sabino Soares ‘Guntur’ halo’ot...

Taur: Posibilidade mosu transmisaun lokál COVID-19

Primeiru Ministru (PM), Taur Matan Ruak,...

PN sujere Governu define tipu vasina COVID-19

Reprezentante povu iha uma fukun Parlamentu...

Close