JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEFOPE sei responsabiliza lori mate-isin Tomas Pereira mai TL

SEFOPE sei responsabiliza lori mate-isin Tomas Pereira mai TL

Governu liu husi Sekretaria Estadu Polítika Formasaun Profisionál no Empregu (SEPFOPE) sei responsabiliza mate-isin Tomas Pereira mai Timor–Leste (TL), tanba haruka Timor-Oan ba servisu iha Austrália ne’e responsabilidade Governu nian.

Diretór Jerál SEFOPE, Paulo Alves, relata, atu prosesa transladasaun mate-isin mai Timor- Leste ne’e la-lais liu tan mak SEFOPE ho família matebian deside haruka karta deklarasaun ba Austrália.

Diretór Jerál ne’e informa, relatóriu loloos ne’e seidauk hatene, tanba prosesu investigasaun sei la’o hela iha polísia investigasaun ninian, purtantu sira hein hela  kronolojia akontesimentu loloos husi asidente ida ne’e, tanba saida mak bele rezulta alin no oan traballadór ne’e hakotu nia vida.

“Prosesu Governu nian ita hotu-hotu hatene, ita rona tiha notísia no asidente ne’e, ami halo kedan koordenasaun iha loron Domingu ne’e mai telefone ba malu, ohin dader (horiseik dader-red)  ami orienta kolega sira, família sira para tur hamutuk atu halo karta ida husi família ida, hanesan deklarasaun ida haruka ba Austrália atu fasilita prosesu investigasaun ne’e la-lais, aseitasaun família nian ba prosesu autopsia ne’ebé polísia sira,  aseita ka la aseita família sira tenke fó karta ne’e ohin kedan (horiseik) haruka ba polísia Austrália atu fasilita la-lais investigasaun, nune’e bele lori matebian mai TL. Graça de Deus tanba embaixadora mós iha ne’eba hela, entaun momentu asidente embaixadora halo kedan intervensaun ho governu lokal husi Tasmania ninian, atu nune’e bele fasilita la-lais prosesu ne’e, maibé hein hela deklarasaun husi TL, liu-liu família matebian, nune’e haruka ba hodi fasilita la-lais prosesu, tanba prosesu mate-isin ne’e iha rai ne’ebé de’it, prosesu invetigasaun ne’e só polísia mak bele halo, tanba ne’e embaixadora ho Ministériu Negósiu Estranjeiru no Kooperasaun no SEFOPE ajuda família para atu konklui investigasaun, hodi bele hatene motivu loloos husi asidente ne’e”.

“Ami la promete aban ka bainrua ka baintolu, maibé aban (ohin-red) tenke fasilita prosesu deklarasaun ne’e, ita haruka ba, atu nune’e fasilita la-lais prosesu refere, konserteza hanesan bai-bain SEFOPE ita enfrenta ona situasaun ho problema hanesan ne’e lubuk ida, Korea hamutuk 9, Austrália ne’e agora ba dala 3, dala 2 akontese iha 2015 mós hanesan lori mai TL, Governu sei entrega ba família, ita halo tiha missa mak foin hatene prosesu funebre ne’e la’o oinsa, ami sei koordena ho família sira, sira mak sei foti desizaun kona-bá prosesu funebre, bainhira Timor-Oan sira sai reponsabilidade Governu nian no tama mai mós responsabilidade Governu nian”, Diretór Jerál SEFOPE hato’o kestaun ne’e ba jornalista sira iha salaun enkontru SEFOPE, Caicoli, Díli, Segunda (11/01/2021).

Anita Soares nu’udar inan, espresa nia sentimentu triste ne’ebé profunda, wainhira rona nia oan mane ne’ebé hala’o servisu iha rai-liur, hakotu iis, tanba asidente no nia husi mós ba parte kompotente iha Austrália atu la autopsia mate-isin.

“Nu’udar inan-aman ami sente triste, tanba ha’u nia oan iha Sábadu ne’e sei ko’alia hela ho ha’u diak, maibé iha Domingu akontese ida ne’e ha’u la espera Maromak nia planu nia husik hela mundu, maibé ida ne’e ami nu’udar inan ho família hotu, ami la ko’alia buat barak, maibé ami hakarak Estadu Timor bele rezolve la-lais, atu nune’e ami nia oan nia isin to’o mai iha Timor, tanba mai aseita ho SEFOPE autopsia ami la simu, maibé ami simu mak ho hasa’i raan ne’e de’it”, termina Anita.

Matebian Tomas Pereira ba servisu iha Austrália iha tinan 2019, servisu iha área ku’u strawberry iha iha to’os ida naran Tasmania Berry, maibé sai mós kondutór hodi fasilita de’it to’os na’in sira, tanba COVID-19 halo matebian mós seidauk bele mai Timor no sei kontinua servisu iha Austrália, no dau-daun ne’e Traballadór 1000 resin mak servisu iha Austrália. Oly

Lee hotu :   Mari Alkatiri:Oecussi la'os projetu opozisaun no maioria nian ■ Ró Haksolok sei mai TL

Add to Comments Here!!!!

error: Content is protected.
Secured By miniOrange
You might also like:
PN adia hikas eleisaun ba membru KI

Parlamentu Nasionál (PN) kinta lejislatura adia...

CAC investiga kazu ho natureza korupsaun hamutuk 73

Iha inísiu tinan 2020 Comissão Anti...

PNSIK detein tan Diretór Liran TECK

Polísia Nasionál Servisu Investigasaun Kriminal (PNSIK) ...

Close