JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tenke suspende aprendizajen iha fronteira

Tenke suspende aprendizajen iha fronteira

Governu liu husi Ministériu Edukasaun Juventude no Desportu (MEJD) tenke foti desizaun la-lais hodi suspende atividade prosesu aprendizajen iha eskola hotu ne’ebé besik iha fronteira, relasiona ho númeru kazu pozitivu no mate ba surtu COVID-19 iha nasaun viziñu Indonézia, liu-liu Nusa Tenggara Timur (NTT) sa’e maka’as.

Prezidente komisaun G Parlamentu Nasionál (PN), António Verdial, hateten, dau-daun ne’e manorin no estudante sira sente ameasadu ho situasaun iha nasaun viziñu, tanba ne’e nia parte husu ba Governu atu suspende lai prosesu aprendizajen.

“Liga ba situasaun pandemia COVID-19 ne’e, la’ós ita-nia hakarak, maibé situasaun ida ne’ebé ke real teb-tebes, liu-liu ba iha área fronteria hanesan iha Covalima, ha’u tau direta ba fatin pretinente ne’ebá atu hatete Tilomar, Fohorem, Fatumea, Fatu-Lulik, mai iha Alto Lebos i depois mai iha Memo, Maliana, mai iha Balibo hanesan ba iha Leohitu, Cova tun mai iha Batugade ho eskola públiku ne’ebé iha kapitál munisipiu rasik, ohin sira fó hatene ha’u dehan katak, atu hatete ba iha Estadu no Governu sé bele suspende lai atividade prosesu aprendizajen iha área fronteria, tanba COVID-19 ne’e iha Atambua sa’e maka’as teb-tebes”, Deputadu bankada KHUNTO ne’e liu husi Programa Grande Entrevista iha estúdiou 2 GMN Bebora-Díli, Segunda (18/01/2020).

Hatán ba ezijénsia ne’e, Ministru Edukasaun Juventude no Desportu, Armindo Maia, informa, nia parte labele foti desizaun mesak, maibé tenke lori ba Konsellu Ministru (KM) hodi deside.

“Atu suspende, entaun ami tenke lori fila-fali ba KM, ida ne’e mak regra, sé pur-ezemplu to’o tempu ida ita haree katak, presiza duni suspende prosesu ensinu aprendizajen iha eskola sira iha área fronteira, novamente ami tenke foti desizaun, maibé la’ós mesak, tenke lori ba KM hodi deside”, tenik Governante ne’e.

Antes ne’e, iha loron 13, fulan Janeiru, tinan 2021, Ministru Edukasaun Juventude no Desportu, Armindo Maia, informa, sira iha ona planu atu distribui ekipamentu prevensaun ba eskola sira iha fronteira. jen

Lee hotu :   Polémika osan sei la mai TL, FRETILIN: Informasaun ne’e la loos

Add to Comments Here!!!!

error: Content is protected.
Secured By miniOrange
You might also like:
Fiskalizasaun OJE la’ós atu blokeia Governu

Vise Xefe bankada CNRT, Patrocínio Fernandes,...

PD husu Governu rezolve Sesta Bázika

Bankada PD husu Governu atu rezolve...

Ospitál Maliana falta aimoruk

Bankada CNRT preokupa tebes ho situasaun...

Close