JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMMO luta kontra status quo iha FRETILIN

AMMO luta kontra status quo iha FRETILIN

Asosiasaun Movimentu Maubere Oan (AMMO) sei luta kontra limitasaun podér ne’ebé durante ne’e akontese no prátika maka’as loos iha partidu FRETILIN laran, hodi apoia eis Primeiru Ministru, Rui Maria de Araújo ba Sekretáriu Jerál (SekJer) partidu FRETILIN, iha eleisaun direta ne’ebé sei hala’o iha tinan ne’e.

Prezidente AMMO, Virgílio Faculto Ximenes, deklara lia hirak ne’e wainhira partisipa iha reuniaun extraordináriu ne’ebé hala’o iha Praia dos Coqueiros Díli, Sábadu (14/02/2021).

Tuir Virgílio, AMMO hamriik hodi luta maka’as kontra status quo ne’ebé  akontese, nune’e labele ema ida de’it mak ukun iha tinan barak nia laran.

“Ami fiar katak jerasaun foun ne’ebé mak iha FRETILIN, sira iha kapasidade ne’ebé mak di’ak hodi lidera fali FRETILIN iha futuru. Ami mós hakarak luta para atu labele iha limitasoens de poder ne’ebé mak iha FRETILIN nia laran, entaun labele lideransa ida de’it mak ukun iha tinan barak nia laran, tenke iha limitasaun iha podér”, dehan Prezidente AMMO ne’e.

AMMO husu ba líder iha partidu atu respeita regra internál partidu nian, nune’e bele fó oportunidade ba militante hotu no labele hamosu kandidatu úniku.

Virgílio hatutan, AMMO apresia loos ho vontade husi Rui Maria de Araújo, ne’ebé hakarak kandidata-an ba pozisaun SekJer partidu FRETILIN, hodi kompete ho sira seluk. Tanba ne’e, AMMO prontu fó apoiu ba jerasaun foun ne’e.

“AMMO apresia vontade husi Dr. Rui Maria de Araújo, ne’ebé hakarak kandidata-an ba pozisaun SekJer partidu FRETILIN iha eleisaun oin mai. AMMO apresiza Dr. Rui Maria de Araújo, ba pozisaun polítika ida ne’e no haktuir desizaun koletiva organizasaun ida ne’e nian, AMMO sei depozita nia konfiansa tomak ba lideransa husi jerasaun foun atu avansa iha festa demokrátika FRETILIN nian iha kongresu nasionál neébé sei halo iha oin mai”, nia fundamenta.

Prezidente AMMO ne’e mós haktuir, iha tempu besik AMMO sei diskute hamutuk hodi deside mós Prezidente ba partidu FRETILIN, hodi akompaña Rui Maria de Araújo. nes

Lee hotu :   Jurista Júlio Crispim: Laiha dalan legál mantein VIII Governu

Add to Comments Here!!!!

error: Content is protected.
Secured By miniOrange
You might also like:
Konfrontu iha Klak-Fuik, PNTL detein suspeitu na’in haat

Polísia Nasionál Timor-Leste (PNTL), Eskuadra Cristo...

MS tenke tau importánsia mós ba moras dengue

Reprezentante povu iha uma fukun Parlamentu...

Timor-oan rua tama ilegál mai TL pozitivu COVID-19

Ministériu Saúde (MS) liu husi Komisaun...

Close