CNRT: Governu estabelese postu vijilánsia la halo dezinfesaun

Deputada bankada CNRT, Maria Barreto, hateten, maske Governu estabelese ona postu vijilánsia iha munisípiu Bobonaro, maibé la halo dezinfesaun ba pasajeiru no kareta públiku sira hodi hamate COVID-19.

“Ita haree Governu hahú estabelese postu vijilánsia iha Batugade villa, rotunda Batugade, Atabae villa no mós fronteira entre munisípiu Bobonaro ho ho Liquiça estabelese iha ponte Loes, maibé haree kona-bá protokolu saúde nian ne’ebé ba ami importante tebes dezinfesaun ba iha kareta tula pasajeiru sira lori sasán tama-sai iha fronteira entre hosi Bobonaro mai Díli seidauk realiza ida ne’e, mak ami fó hanoin ba tau kestaun ne’e prioridade, sé ita halo dezinfesaun ba ema no kareta durante nia viajen mai Díli, husi Díli ba Bobonaro pelumenus vírus hirak ne’ebé iha bele mate”, Deputada bankada CNRT ne’e iha plenária, Tersa (02-02-2021).

Hatán ba kestaun ne’e, Ministru Asuntu Parlamentár no Komunikasaun Sosiál, Francisco Jeronimo, hateten, nia parte sei hato’o preokupasaun ne’e ba ministériu kompetente atu halo esplikasaun. ety