JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT husu MP atualiza la-lais Alkatiri nia keixa

CNRT husu MP atualiza la-lais Alkatiri nia keixa

Membru Comissão Política Nacional (CPN) partidu CNRT, husu Ministériu Públiku (MP) atu atualiza ona prosesu keixa Sekretáriu Jerál (SekJer) partidu FRETILIN, Marí Alkatiri nian hasoru membru CPN, tanba liu ona loron 10 no membru sira ne’e hetan ona medida koasaun Termu Identidade Rezidénsia (TIR).

CPN CNRT husu mós ba MP atu atualiza prosesu keixa Marí Alkatiri hasoru membru CPN mak hanesan Virgílio Smith, Jacinto Viegas, Jacinto Rigoberto, Bendito Freitas, Tomás Cabral, Francisco Ikulai no Francisco da Costa Guterres. Pedidu ne’e bazeia ba prazu keixa ne’ebé antes ne’e Marí Alkatiri hatama ona ba MP liu ona loron 10 no membru CPN hirak ne’e hetan ona medida koasaun TIR.

“Membru CPN buka atualiza andamentu iha prosesu ne’ebé lori sira ba MP iha loron 14, fulan Janeiru liu ba, Virgílio Smith, Jacinto Viegas, Jacinto Rigoberto, Bendito Freitas. Iha fali loron 5, fulan Fevereiru ne’e, Tomás Cabral, Fransisco Ikulai no Francisco da Costa Guterres. Tanba liu tiha ona loron 10, membru CPN hato’o sira-nia preokupasaun kona-bá kontinuasaun ba prosesu ne’e, tanba sira hotu simu TIR, ne’ebé impede liberdade movimentu, la’ós dei’t nu’udár membru CPN, maibé hanesan mós sidadaun bai-bain”, Sekretáriu Jerál Interinu no membru CPN CNRT, Jacinto Rigoberto iha konferénsia imprensa, Tersa (16-02-2021).

Iha konferénsia imprensa ne’ebé la fó oportunidade ba jornalista sira atu halo pergunta, Sekretáriu Jerál Interinu CNRT, konsidera, medida koasaun ne’ebé membru CPN hetan impede sira-nia atividade hanesan membru partidu no mós hanesan mós sidadaun Timor-Leste.

“Iha análize ne’ebé membru CPN halo, sira espresa sira-nia hanoin katak tuir Prokuradór Jerál Repúblika fó sai iha loron 5, fulan Janeiru, tinan ne’e, molok sai husi audiénsia ho Prezidente Repúblika, karik MP bolu mós deputadu 21 husi bankada CNRT, ne’e duni, ita hotu tenke hein bainhira mak Parlamentu Nasionál hasai imunidade husi deputadu CNRT atu ba aprezenta-an iha MP, hodi prosesu ne’e bele la’o ba oin. Tan ne’e, membru CPN partidu CNRT hein ho esperansa katak MP halo duni servisu ne’ebé di’ak no lais, tanba membru CPN la konkorda ho TIR atu prolonga indefinidamente”, tenik Jacinto Rigoberto.

Entretantu SekJer partidu FRETILIN Marí Alkatiri, hato’o keixa dahuluk ba MP iha loron 7, fulan Jullu, kontra CPN CNRT, tanba akuza Marí Alkatiri simu subornu, husi kompañia ConocoPhillips.

No keixa daruak iha loron 6, fulan Novembru, hasoru deputadu CNRT na’in 21, tanba akuza Marí Alkatiri halo korupsaun, simu subornu, ne’ebé tuir deputadu CNRT sira katak kazu ne’e fó sai husi Oceanic Exploration, ne’ebé kompletu ho númeru konta bankária rejista iha Tribunál Distritál Kolumbia, Estadu Unidu Amérika. oct

Lee hotu :   Assanami: Governu kontrola moeda sentavu 200

Add to Comments Here!!!!

error: Content is protected.
Secured By miniOrange
You might also like:
Governu halo Programa Sesta Bázika lufu-lafu de’it

FOTO: Komunidade suku Bebonuk, munisípiu Díli...

CNRT: Governu lockdown munisípiu rua la suspende prosesu aprendizajen

Reprezentante povu iha uma fukun Parlamentu...

Governu fiar rekomendasaun vasina COVID-19 husi UNICEF

Ministra Saúde (MS), Odete Maria Freitas...

Close