JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT kritika Governu ko’a osan pursentu hitu ba sesta bázika

CNRT kritika Governu ko’a osan pursentu hitu ba sesta bázika

Deputada bankada CNRT, Maria Fernanda Lay, hakfodak ho Governu hasa’i sirkulár ida hodi ko’a orsamentu pursentu hitu (7), hosi kada ministériu hodi apoia ba programa Sesta Bázika.

“Iha loron 2, fulan Fevereiru ne’e, Ministériu finansa (MF) hasa’i ona sirkulár ida, hodi orienta kada membru Governu tenke identifika dotasaun orsamentál ho montante 7%, hosi total orsamentu instituisaun, transfere ba fundu COVID-19, hodi halo pagamentu ba despeza Sesta Bázika. Sirkulasaun ne’e bazeia ba deliberasaun Konsellu Ministru (KM) iha loron 29, fulan Janeiru, liu hosi proposta hosi Ministru Koordenadór Asuntu  Ekonómiku (MKAE), Joaquim Amaral no Ministru Finansa, Rui Agusto Gomes kona-bá orientasaun politíka, relasiona ho ezekusaun programa Sesta Bázika. Ha’u hakfodak, tanba Governu mai ho nia programa rasik no aloka orsamentu pur programa, tanba ne’e Ministru Finansa tenke halo esplikasaun klaru”.

“Ministru labele hatete ko’a de’it hosi saláriu vensimentu no kapitál dezenvolvimentu, ne’e labele bo’ok, kapitál menor bele, bens servisu no transferénsia ha’u nia pergunta ba Ministru Finansa, ha’u espera nia bele mai iha ne’e. Ami hatene katak, saldo ne’ebé tranzita hosi 2020 ba 2021 boot, mezmu Governu iha debate orsamentu dehan presiza ami deteta, tanba orsamentu boot ezekusaun fulan rua de’it”, Deputada bankada CNRT ne’e ba jornalista sira iha PN, Kuarta (10-02-2021).

Tuir Fernanda Lay, nia parte hakfodak sé Governu mai ho politíka ida hanesan ne’e halo, tanba polítika orsamentu pur programa ne’e loos ka mai bosok de’it PN, tanba ne’e nia parte mós sei dezafia Unidade Planeiamentu, Monitorizasaun no Avaliasaun (UPMA) atu fó esplikasaun kona-bá  asuntu ne’e.

“Governante devia hanoin ko’a 7% um ratifikativu labele nune’e de’it, tanba PN aporva tiha orsamentu no hatene orsamentu pur dotasaun orsamentu atu hamenus ou hasa’e, tenke liu hosi Orsamentu Retifikativu labele liu hosi sirkulár hodi ko’a fali kada Ministériu. Ha’u espera ministériu sira sei labele fó, tanba sira iha programa ne’ebé ko’alia iha planu 2021, sé nune’e orsamentu aprova hosi bankada Governu aprova ba ne’ebé tenke justifika, tanba ne’e ami la envolve iha diskusaun espesialidade no finál globál”.

“Ami deteta sira tau osan millaun USD 123 ba rekuperasaun ekonómika aloka ba fundu COVID-19, tanba iha levantamentu milliaun USD 70, ikus ne’e sira altera lei ba rekuperasaun ekonómika bele klaru, maibé orsamentu milloens USD 114 ne’ebé aprova iha 2020, transfere hodi Koordenadór Asuntu Ekonómiku aloka ba fundu COVID-19. Tuir Ministru justifika seidauk foti osan, bainhira PN konfirma iha Konta Jerál Estadu orsamentu 2019 osan sei barak, maibé Ministru bele transfere 7% hosi kada ministériu”,  tenik Deputada bankada CNRT ne’e.

Kona-bá notísia ne’e, bainhira jornalista tenta halo konfirmasaun ho Prezidente Komisaun C PN ne’ebé trata asuntu finansa públika, maibé nia parte lakohi fó komentáriu.

Entretantu orsamentu tinan 2020 Governu aloka ba programa Sesta Bázika ho totál despeza hamutuk milliaun USD 71 ne’ebé destina ba sidadaun hotu, nune’e kada ema hetan USD 25. ety

Lee hotu :   FDD nia ema ba Parlamentu Nasional sei la sae Prado

Add to Comments Here!!!!

error: Content is protected.
Secured By miniOrange
You might also like:
FONGTIL: PN seidauk intende di’ak direitu umanu

Forum Organizasaun Naun Govermentál Timor Leste...

PPN resposta ona karta notifikasaun husi TR

Prezidente Parlamentu Nasionál (PPN), Aniceto Guterres,...

Estrutura KI períodu 2021-2025 simu pose

Prezidente Parlamentu Nasionál (PN), Aniceto Guterres,...

Close