JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19: Governu revé lei Eleisaun Prezidensiál

COVID-19: Governu revé lei Eleisaun Prezidensiál

Ministru Administrasaun Estatál (MAE), Miguel Perreira de Carvalho, hateten, Governu hakarak halo revizaun ba lei eleitorál, liu-liu lei Eleisaun Prezidensiál hodi fasilita Sekretariadu Tékniku Administrasaun Eleitorál (STAE) realiza Eleisaun Prezidensiál iha tinan 2022, bainhira situasaun COVID-19 agrava iha Timor-Leste.

“Informa ba Primeiru Ministru (PM) kona-bá preparativu sira hodi halo revizaun ba lei sira Eleisaun Prezidensiál no mós lei eleitorál sira seluk, hanesan lei resensiamentu eleitorál no mós lei órgaun administrasaun eleitorál, lei tolu ne’e prontu ona no submete ona mai iha Konsellu Ministru (KM) para halo diskusaun no aprovasaun”, MAE ne’e hafoin hasoru malu ho PM, Taur Matan Ruak, iha Palaçio do Governo, Tersa (02/02/2021).

Miguel hatutan, KM sei foku liu hodi halo revizaun ba lei Eleisaun Prezidensiál, nune’e bele fó tempu ba Parlamentu Nasionál (PN) hodi aprova.

“Tanba Eleisaun Prezidensiál sei halo iha fulan Marsu tinan oin, ha’u mai informa ba PM kona-bá karik eziste krize sanitária iha tempu ne’ebá (tinan oin), STAE preparadu para realiza eleisaun iha tempu ne’ebá”, tenik Governante ne’e.

Nia garante mós katak, Eleisaun Prezidensiál iha tinan oin sei realiza tuir tempu, tanba Governu halo preparasaun. Alende ne’e, nia afirma katak, karik kazu pozitivu aumenta iha Timor-Leste, STAE halo ona planu hodi evita aglomerasaun ba ema sira, liu-liu aumenta sentru votasaun sira.

“STAE iha planu atu propoin de’it estasaun votu ka sentru votasaun 1.080, karik iha krize sanitária, importante atu aumenta sentru votasaun sira, hodi evita ema halibur malu iha sentru votasaun sira. Maibé ne’e implikasaun ba kustu sira, liu-liu tenke selu ofisiál eleitorál sira”, relata MAE ne’e.

Governante ne’e subliña, laiha posibilidade seluk atu adia Eleisaun Prezidensiál tinan 2022. oct

Lee hotu :   PN ezije Governu klarifika FP sira seidauk simu saláriu

Add to Comments Here!!!!

error: Content is protected.
Secured By miniOrange
You might also like:
Governu reativa sala situasaun SIJK

Governu liu husi despaixu Primeiru Ministru...

Sidadaun estranjeiru na’in lima pozitivu COVID-19, baixa 22

Ministériu Saúde (MS) liu husi Komisaun...

PR husu F-FDTL serví nasaun ho profisionalizmu

Prezidente Repúblika (PR), Francisco Guterres Lú...

Close