JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CPN: Rui Araújo prontu lori FRETILIN ukun iha 2023

CPN: Rui Araújo prontu lori FRETILIN ukun iha 2023

Membru Comite Central FRETILIN (CCF) no Comissão Política Nacional (CPN), Osorio Florindo, hateten, eis Primeiru Ministru (PM), Rui Maria de Araújo sei lori partidu FRETILIN ukun iha tinan 2023.

Osorio hatutan, nia parte la’o ona ba munisípiu 12 no RAEOA nota katak, partidu FRETILIN presiza ema ne’ebé nakonu ho enerjia. Tanba ne’e Osorio fiar katak, Rui Maria de Araújo sei avansa ho maioria partidu FRETILIN ukun iha tinan 2023.

Membru CCF no CPN ne’e esplika mós katak, ema hotu sei aseita ho FRETILIN ne’ebé lidera husi Rui Maria de Araújo, tanba Timor presiza líder foun atu hatutan, la’ós atu halakon Timor nia lideransa husi tinan 1975 to’o agora. Tanba durante ne’e FRETILIN la’ós atuál Sekretáriu Jerál partidu FRETILIN, Mari Alkatiri ho Prezidente partidu FRETILIN, Francisco Guterres “Lú Ólo” de’it, maibé sira na’in rua mós fó oportunidade ba jerasaun foun sira.

Partidu FRETILIN ne’e partidu istóriku, nakonu ho maturidade, iha Timor partidu ne’ebé hanesan aman ba demokrasia no partidu ne’ebé  multi tendénsia ou multi hanoin.

“Ami nia estatutu mós la bandu kuadru ne’ebé mínimu iha órgaun sentrál tinan lima (5) bele kandidata-an atu sai líder ba partidu, eis PM, Rui Maria de Araújo priense kritériu ida ne’e, nia hanoin foin mak atu kandidatu. Tuir estatutu partidu atu aprezenta kandidatu ba lideransa ne’e tenke fulan ida antes ba eleisaun lideransa, bainhira nia iha hanoin hakarak atu kompete di’ak liu nia lideransa ba partidu rasik. Sekretáriu Jerál partidu FRETILIN atuál mós hateten, kada jerasaun produs o seu liderança, ha’u hanoin jerasaun ida agora Doutor Rui mosu ho nia lideransa rasik, ami fiar nia iha kapasidade atu kompete iha eleisaun lideransa partidu FRETILIN iha tinan 2021, tanba sei iha eleisaun lideransa direta tuir ami nia estatutu partidu haruka”, Membru CCF ne’e ba GMN iha El Legendário, Lecidere-Díli, Segunda (28-01-2021).

Osorio klarifika, partidu sei la taka dalan bainhira sé de’it priense kritériu tuir estatutu no regra jogu demokrátiku iha partidu nia laran, alende eis PM, Rui no mós sira seluk ne’ebé iha hanoin atu kompete ba eleisaun hodi hili líder partidu FRETILIN iha tinan 2021 ne’e.

Nia dehan tan, eis PM, Rui ema ne’ebé koñesidu iha área saúde no ema ne’ebé onestu, la ko’alia ema arbiru, la trata ema arbiru, nakonu ho vizaun ba Estadu nia kapasidade, alende iha partidu iha mós Estadu nia hanesan ema estadista ida, eis membru Governu ne’ebé mak iha situasaun difísil hari’i sistema saúde iha Timor.

“Nia foin mak deklara iha loron rua ka tolu liu ba, ema hotu bele haree no akompañia ona durante ne’e FRETILIN ne’e Mari Alkatiri de’it no Francisco Guterres “Lú Olo” de’it, maibé sempre fó oportunidade, tanba ho nia deklarasaun kada jerasaun produs o seu liderança, ho nune’e munisípiu hotu sei apoiu kandidatu ne’ebé mak ho enerjia foun iha komunikasaun di’ak ba líder partidu hotu. Ha’u fiar eis PM, Rui avansa FRETILIN sei haboot liu tan, bele lori vitória ba FRETILIN atu ukun iha tinan 2023, tanba ha’u nu’udár kuadru partidu tinan 10 resin, ha’u nível partidu la’o iha munisípiu sira hotu, FRETILIN presiza enerjia foun la signifika katak, katuas sira atu husik ita, sempre uza no sempre motiva ita atu kontinua la’o, presiza enerjia foun konsolida partidu ida ne’e ho di’ak, tanba ho nia mandatu tinan lima (5) la’ós tinan nen (6)“, dehan Membru CCF ne’e.

Xefe bankada FRETILIN, Francisco Miranda Branco, rejeita fó komentáriu kona-bá asuntu ne’e, tanba demokrasia no estatutu partidu fó dalan.

“Ida ne’ebé dehan kaer ukun ne’e ha’u prontu, prontu ita atu kestiona tan saída, tuir loloos ita dehan ida ne’e mak loos demokrasia hanesan ne’e, tuir estatutu partidu nian laiha problema, ita lalika foti kestaun sira ne’e“, tenik Xefe bankada FRETILIN ne’e.

Antes ne’e, eis PM, Rui Maria de Araújo deklara, iha média balun katak, nia disponível atu kandidata-an ba eleisaun líder partidu FRETILIN iha tinan 2021 ne’e. ety

Lee hotu :   PPN konsidera laiha ajenda, laiha plenaria ''BOAMP nota PPN la kumpri knaar''

Add to Comments Here!!!!

error: Content is protected.
Secured By miniOrange
You might also like:
PNTL sei aumenta membru iha liña fronteira

Porta-Voz Polísia Nasionál Timor-Leste (PNTL), Superintendente...

PNTL sei aumenta membru iha liña fronteira

Porta-Voz Polísia Nasionál Timor-Leste (PNTL), Superintendente...

Konfrontu entre GAM iha Ainaro, ema ida kanek

Porta-Voz Polísia Nasionál Timor-Leste (PNTL), Superintendente...

Close