JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estrutura KI períodu 2021-2025 simu pose

Estrutura KI períodu 2021-2025 simu pose

Prezidente Parlamentu Nasionál (PN), Aniceto Guterres, Kuarta (10/02/2021), fó ona pose ba Prezidente Konsellu Imprensa (KI), Virgílio Guterres, ho nia membru na’in haat.

Hafoin pose, Prezidente PN kinta lejislatura ne’e, husu estrutura foun atu aprezenta relatóriu servisu kada tinan, nune’e labele akontese presedente hanesan mandatu KI dahuluk, ne’ebé aprezenta relatóriu bainhira mandatu termina.

Maske nune’e, Prezidente PN kinta lejislatura ne’e mós rekoñese, prosesu kompleta no pose ba estrutura foun tarde, tanba diskusaun proposta orsamentu no lei importante balun.

“Bai-bain órgaun sira ne’ebé PN mak hanesan mós PDHJ no KI sira ne’e, bai-bain sira tenke konklui tiha lai sira-nia relatóriu anuál, hato’o mai ona PN mak PN foin notifika hodi mai aprezenta iha loron ka fulan hanesan ne’e. Maibé tinan tomak laiha relatóriu, to’o ikus ona mandatu atu remata mak, relatóriu mandatu tomak nian to’o mai, ne’e mak PN konvida KI hato’o nia relatóriu, ne’e akontese tiha ona dezde fulan Jullu ou Agostu liu ba (2020). Maibé ohin Prezidente KI foun promete ona atu aprezenta relatóriu tinan-tinan, ami sei aprova relatóriu ne’e iha plenária hanesan bai-bain, maibé KI nia durante ne’e ami la halo tinan-tinan, tanba sira la hato’o mai, maibé lei obriga”, afirma Aniceto Guterres.

Prezidente PN haktuir, KI foin harii tinan lima, sira konsege halo buat lubuk, maske iha difíkuldade barak.

Nune’e mós Prezidente KI, Virgílio Guterres, promete sei kontinua díalogu ho órgaun komunikasaun sosiál sira, atu hasa’e kualidade informasaun ba sosiedade, liu-liu iha aspetu edukasaun, inklui sei halo mós revizaun ba enkudramentu legal.

“Ba mandatu daruak ne’e, foku KI nian sei iha konsolidasaun KI iha instituisaun nian, oinsa atu ajusta tuir nesesidade, identifika iha planu anuál iha KI nian, konsolidasaun internál ne’e la mós halakon foku KI nian atu mós konsolida setór sira seluk, hanesan órgaun komunikasaun sosiál, katak atu kontinua halo díalogu, enkontru ho responsável ba órgaun komunikasaun sosiál sira hotu no asosiasaun jornalista sira, atu diskute hamutuk oinsa ida-idak nia kontribuisaun hodi hasa’e kualidade ba informasaun no kualidade ba komunikasaun ba notísia ne’ebé mak ita hakarak fó sai ba públiku. Presiza hamutuk husu ba ita-nia-an, sé durante tinan 20 ne’e, ita-nia kontribuisaun ne’e iha ona impaktu ba sosiedade ka seidauk, liu-liu iha aspeitu edukasaun. Públiku sente ho informasaun sira ne’e bele hasa’e sira-nia koñesimentu, ou sira iha konfiansa ba informasaun sira ne’ebé ita iha, ida ne’e mak buat importante ne’ebé mandatu KI foun ne’e sei tau atensaun. Ida seluk tan mak kona-bá revizaun ba enkudramentu legál, KI identifika ona katak, iha inkompatibilidade ba malu, entre lei Komunikasaun sosiál ho  dekretu lei ne’ebé ko’alia kona-bá estatutu KI nian”, subliña Guterres.

Alénde ne’e, Virgílio informa tan, iha mandatu foun, sei halo aproximasaun ho parte relevante hotu, atu nune’e kumpre ona enkuadramentu legál sira, hodi fó sansaun ba órgaun komunikasaun no jornalista sira, bainhira la kumpre regra ka kódigu étika jornalista nian.

“Ba oin tenke hanoin ona, atu halo aproximasaun ho ne’ebé sansionatóriu, katak bainhira infrasaun sira ne’e sériu no pur intensaun, KI tenke define sansaun sira ne’ebé apropriadu ba jornalista ka ba órgaun komunikasaun sosiál. Maibé tanba sansaun balun ko’alia kona-bá koima ne’e implika osan, entaun tenke iha dekretu Governu ninian, iha asuntu ida ne’e liga ho MAPKOMS ho Ministériu Finansa, tenke hamutuk hodi loke konta bankária, atu nune’e koima sira ne’e mai, ema bele ba selu iha banku, la’ós atu selu iha KI. Molok to’o iha sansaun sira ne’e, dever uluk KI nian mak atu garante pelumenus tinan ida ka rua nia laran, maioria jornalista bele hetan ona karteira profesionál ne’ebé definitivu, atu nune’e KI  mós iha autoridade no mós órgaun sira iha autoridade, atu ezíje ba jornalista sira atu servisu ho profesionál”, salienta nia.

Estrutura KI ba tinan 2021 to’o tinan 2025 mak hanesan, Virgílio Guterres, nu’udár Prezidente, ho nia membru sira hanesan Expedito Dias Ximenes, Francisco Simões Belo, Otélio Óte no Benevides Correia Barros. say

Lee hotu :   LUGU compromete-se a trazer investimento para Oé-Cusse

Add to Comments Here!!!!

error: Content is protected.
Secured By miniOrange
You might also like:
Lere: F-FDTL deve foos-mina sustentabiliza membru nia kabun

Xefe Estadu Maiór FALINTIL-Forsa Defeza Timor-Leste...

PN kritika Governu atu fó subsídiu ba prizioneiru

Parlamentu Nasionál (PN) lamenta ho Ministériu...

Governu planeia transforma Atauro sai Munisípiu Espesiál

Ministru Administrasaun Estatál (MAE), Miguel Pereira...

Close